نازاربايەۆ جاڭا ءالىپبيدىڭ سوڭعى نۇسقاسى بەكىتىلەتىنىن رەسمي تۇردە جاريالادى
بۇل تۋرالى اقوردا حابارلايدى.
كەزدەسۋدە نۇرسۇلتان نازاربايەۆ لاتىن قارپىنە نەگىزدەلگەن قازاق ءالىپبيىنىڭ سوڭعى جوباسى قىزۋ تالقىلانىپ، قوعام تاراپىنان قولداۋ تاپقانىن اتاپ ءوتتى.
«لاتىن قارپىنە نەگىزدەلگەن قازاق ءالىپبيىنىڭ ۇسىنىلعان جوباسىن بەكىتۋ تۋرالى جارلىق شىعارۋ قاجەت. كوميسسيا جۇمىسىن اياقتادى. سوڭعى نۇسقا جاريالاندى. عالىمدار، ءتىلتانۋشىلار، ساياساتكەرلەر، جاستار جانە قازاقستان حالقى اسسامبلەياسىنىڭ وكىلدەرى ورتاق مامىلەگە كەلدى. جالپى، قوعام قولداپ وتىر»، - دەدى قازاقستان پرەزيدەنتى.
مەملەكەت باسشىسى قازاق ءالىپبيىن لاتىن قارپىنە كەزەڭ-كەزەڭمەن جانە جۇيەلى تۇردە كوشىرۋدىڭ ماڭىزدىلىعىنا نازار اۋداردى.
سونىمەن قاتار، ەلباسىعا مەملەكەتتىك ءتىلدى لاتىن قارپىنە كوشىرۋ جونىندەگى جوبانى ىسكە اسىرۋ ءۇشىن قۇرىلعان جۇمىس توبىنىڭ اتقارعان قىزمەتى تۋرالى باياندالدى.
ەسكە سالساق، بۇعان دەيىن ەلىمىزدىڭ تانىمال جازۋشىلارى لاتىن ءالىپبيىنىڭ نۇسقاسىنا قارسى شىققان بولاتىن.
