قىرعىزستانعا يمپورتتىق تاۋار اعىنىنان ە ا ە و ەلدەرى شىعىنعا باتىپ وتىر - ساعىنتايەۆ

استانا. قازاقپارات - قازاقستان رەسپۋبليكاسى كەدەندىك اكىمشىلەندىرۋ جۇمىستارىنىڭ جەتكىلىكسىز ەكەنىن بۇعان دەيىن دە بىرنەشە رەت كوتەرگەن.

بۇل تۋرالى بۇگىن ەريەۆانداعى ە ۇ ا ك- ءنىڭ كەزەكتى وتىرىسىندا ق ر پرەمەر-ءمينيسترى باقىتجان ساعىنتايەۆ ءمالىم ەتتى، دەپ حابارلايدى قازاقپارات.

«2016-جىلى كەدەندىك وداققا مۇشە مەملەكەتتەردىڭ كەدەندىك قىزمەتتەرىنىڭ بىرلەسكەن القاسىندا، ەۋرازيا ەكونوميكالىق كوميسسياسى كەڭەسىنىڭ وتىرىسىندا جانە ەۋرازيا ۇكىمەتارالىق كەڭەسى اياسىندا قازاقستان رەسپۋبليكاسى ناقتى كەدەندىك قۇندى انىقتاۋعا قاتىستى كەدەندىك اكىمشىلەندىرۋدىڭ جەتكىلىكسىز ەكەنىن بىرنەشە رەت كوتەردى.

ناتيجەسىندە، ە ە ك كەڭەسىنىڭ تاپسىرماسىمەن 2017-جىلدىڭ 3- ناۋرىزىندا ە ا ە و مۇشە مەملەكەتتەرگە ق ح ر- دان جەتكىزىلەتىن تاۋارلاردىڭ كەدەندىك ماعلۇمدالۋىن باقىلاۋ بويىنشا جۇمىس توبى قۇرىلدى. سونداي-اق، كەدەندىك وداققا مۇشە مەملەكەتتەردىڭ كەدەندىك قىزمەتتەرىنىڭ بىرلەسكەن القاسىنىڭ شەشىمى اياسىندا ەاەو كەدەندىك اۋماعىنا كىرگىزىلەتىن تاۋارلاردىڭ كەدەندىك قۇنىن باقىلاۋ تاجىريبەسىن بىركەلكى ەتۋ تاپسىرىلدى»، - دەپ اتاپ ءوتتى پرەمەر-مينيستر.

ودان بولەك، ب. ساعىنتايەۆتىڭ حابارلاۋىنشا، قىرعىزستانعا جانە قازاقستانعا قىتايدىڭ دۇرىس دەكلاراتسيالانباعان تاۋارلارىن جەتكىزۋدىڭ جولىن كەسۋ ماقساتىندا 2017-جىلدىڭ 5- ماۋسىمىندا ق ر قارجى مينيسترلىگى مەملەكەتتىك كىرىستەر كوميتەتى مەن قىرعىز رەسپۋبليكاسى ۇكىمەتى جانىنداعى مەملەكەتتىك كەدەندىك قىزمەت اراسىندا جەدەل-الدىن الۋ شارالارىن جۇرگىزۋ بويىنشا بىرلەسكەن ءىس-ارەكەت جوسپارىنا قول قويىلدى.

الايدا، جۇرگىزىلگەن جۇمىستاردان ءتيىستى ناتيجە شىقپاعان، وعان سەبەپ - قىرعىز تاراپىنىڭ جوسپارلانعان شارالاردى اتقارماۋى. سالدارىنان، قىرعىزستانعا قازاقستاننان، رەسەيدەن جانە بەلارۋستەن تاۋار يمپورتى كولەمى بويىنشا، كەدەن سالىقتارى بويىنشا ە ا ە و 3 جىلداعى وداقتىق بيۋدجەتىنىڭ شىعىن سوماسى شامامەن 828 ميلليون ا ق ش دوللارىن قۇرادى.

باقىتجان ساعىنتايەۆتىڭ ايتۋىنشا، قىرعىزستانعا يمپورتتىق تاۋار اعىنىنان ە ا ە و ەلدەرى شىعىنعا باتىپ وتىر.

اتاپ ايتقاندا، ءۇش ەلدىڭ ققس شىعىنىنىڭ جالپى كولەمى 1 ميلليارد 870 ميلليون ا ق ش دوللارىن قۇراعان. ونىڭ ىشىندە، قازاقستان بويىنشا - 152 ميلليون، ر ف - 1632 ميلليون، بەلارۋس بويىنشا - 85 ميلليون ا ق ش دوللارى. قوسىمشا قۇن سالىعىنا كەدەندىك باج بويىنشا، ە ا ە و ەلدەرىنىڭ ءۇش جىلداعى شىعىن كولەمى - 2 ميلليارد 687,7 ميلليون ا ق ش دوللارىن قۇرادى.

ونىڭ ىشىندە قازاقستان شىعىنى - 212 ميلليون، ر ف - 2,5 ميلليارد جانە بەلارۋس - 123 ميلليون ا ق ش دوللارى. «بيىل 10- قازاندا قازىنالىق اكىمشىلەندىرۋدى كۇشەيتۋ بويىنشا قازاقستان رەسپۋبليكاسى قابىلداعان شارالار كەدەندىك- سالىقتىق زاڭنامالاردىڭ بۇزىلعانىن دالەلدەدى. بۇل تۋرالى استانادا وتكەن كەزدەسۋدە ساپار جۇماقادىر ۇلىنا (قىرعىزستان پرەمەر- ءمينيسترى يساكوۆ - رەد.) ايتقان بولاتىنبىز.

اتالعان كەزدەسۋ ناتيجەلەرى بويىنشا، ۆيتسە-پرەمەر جەتەكشىلىگىمەن جۇمىس توبى قۇرىلدى. 19- قازان كۇنى 00:00-دە جەكە تۇلعالاردىڭ، كولىك قۇرالدارىنىڭ، تۇراقتى اۆتوبۋستاردىڭ ەركىن قوزعالىسىنا رۇقسات بەرىلدى.

وسىلايشا، ءبىز شەكارادا ءجۇرىپ جاتقان جۇمىستاردىڭ قىرعىزستانعا ارنايى باعىتتالماعانىن ايتقىمىز كەلەدى. بۇل تۋرالى بۇرىننان ايتىپ كەلەمىز جانە تەكسەرۋ بارىسىندا بۇعان دەيىن ايتىلعان زاڭ بۇزۋشىلىقتارعا تولىق كوز جەتكىزدىك»، - دەيدى مينيستر.

ايتا كەتەيىك، كەشە ەريەۆاندا ق ر پرەمەر-ءمينيسترى باقىتجان ساعىنتايەۆ ارمەنيا، قىرعىزستان، رەسەي جانە بەلارۋس ەلدەرىنىڭ ۇكىمەت باسشىلارىنىڭ قاتىسۋىمەن وتكەن ەۋرازيالىق ۇكىمەتارالىق كەڭەستىڭ وتىرىسىنا قاتىستى. وندا ق ر پرەمەر-ءمينيسترى قىرعىزستانمەن شەكاراداعى باقىلاۋدى كۇشەيتۋ شارالارىنا تۇسىنىكتەمە بەردى.

اۆتور: ايجان سەرىكجان قىزى