ساعىنتايەۆ الماتىلىق كاسىپكەرلەرمەن بيزنەس ورتانى دامىتۋ ماسەلەسىن تالقىلادى

الماتى. قازاقپارات - ق ر پرەمەر-ءمينيسترى باقىتجان ساعىنتايەۆ الماتىعا جۇمىس ساپارى بارىسىندا «اتامەكەن» كاسىپكەرلەر ۇلتتىق پالاتاسى الماتى بولىمشەسىنىڭ مۇشەلەرىمەن كەزدەستى، دەپ حابارلايدى قازاقپارات ءتىلشىسى.

ءىس-شارا بارىسىندا ق ر ۇلتتىق ەكونوميكا ءمينيسترى تيمۋر سۇلەيمەنوۆ ستراتەگيالىق جوسپار 2025 جوباسى اياسىندا بيزنەس ورتانى دامىتۋ تۋرالى بايانداما جاسادى، «اتامەكەن» ۇ ك پ باسقارما ءتوراعاسى ابىلاي مىرزاحمەتوۆ پەن ۇ ك پ وڭدەۋ سالاسى كوميتەتىنىڭ ءتوراعاسى ۆلاديمير بوبروۆ بيزنەستىڭ مەملەكەتتىك ورگاندارمەن ىنتىماقتاستىعى جانە مەملەكەتتىك قولداۋ شارالارىنىڭ تيىمدىلىگى ماسەلەلەرى بويىنشا ءسوز سويلەدى.

كەزدەسۋ بارىسىندا قاتىسۋشىلار ءبىرقاتار ماسەلەلەردى تالقىلادى. ونىڭ ىشىندە: قالالىق اۆتوبۋس باعدارلارىن سۋبسيديالاۋ، سالىقتىق اكىمشىلىكتەندىرۋدى سيفرلاندىرۋ، كونسۋلتاتيۆتىك- كەڭەستىك ورگاندار جۇمىسىنىڭ تيىمدىلىگىن ارتتىرۋ، جەر تەلىمدەرى تۋرالى اقپاراتقا ونلاين- قولجەتىمدىلىكتى قامتاماسىز ەتۋ، شاعىن يندۋستريالىق ايماقتار قۇرۋ، ج ا و بەيىندىك ەمەس اكتيۆتەرىن نارىقتىق ورتاعا اۋدارۋ، سونداي-اق الماتىدا تولىق فورماتتى كاسىپكەرلەرگە قىزمەت كورسەتۋ ورتالىعىن اشۋ.

باقىتجان ساعىنتايەۆ شوب دامىتۋ ۇكىمەت جۇمىسىنىڭ ماڭىزدى باسىمدىقتارىنىڭ ءبىرى بولىپ تابىلاتىنىن جانە مۇندا نەگىزگى ماقسات وتاندىق بيزنەستى دامىتۋعا وڭتايلى جاعداي جاساۋ ەكەنىن اتاپ ءوتتى.

بۇل ماسەلەدە ءبىرقاتار باعىتتار بويىنشا، اتاپ ايتقاندا قارجىلىق قولداۋ كورسەتۋ باعىتتارىندا جۇمىس جۇرگىزىلۋدە. وسىلايشا، قازىرگى ۋاقىتتا بيزنەستىڭ 13 مىڭنان استام جوباسى قارجىلاندىرىلدى. ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى قابىلداندى. ونىڭ اياسىندا اتاۋلى مولشەرلەمەسى %6 دان اسپايتىن 18 ميلليون تەڭگەگە دەيىن شاعىن نەسيەلەر ۇسىنىلادى.

قارجىلىق كومەكپەن قاتار، زاڭنامالىق كومەك كورسەتىلەدى - بيزنەستى قايتا رەتتەۋ بويىنشا شارالار قابىلدانادى. بۇگىنگى تاڭدا رۇقساتتار سانى ءۇش ەسەدەن اسىپ قىسقاردى جانە مەملەكەتتىك باقىلاۋ جانە قاداعالاۋ فۋنكتسيالارىن تەكسەرۋ جۇرگىزىلدى. ءىشىنارا تەكسەرۋ جۇرگىزۋدىڭ قازىرگى ءتارتىبى مەن ەرەكشە ءتارتىپ بويىنشا تەكسەرۋلەردىڭ كوپ بولىگىنەن باس تارتۋدى كوزدەيتىن پراكتيكالىق ۇسىنىمدار ازىرلەندى.

سونداي-اق، زاڭنامانى بيزنەستىڭ مەملەكەتتىك ورگاندارعا ەسەپتىلىك پەن مالىمەتتەردى ۇسىنۋ تۇرعىسىنان تەكسەرۋ جۇمىستارى اياقتالدى. جۇرگىزىلگەن جۇمىستىڭ ءبىرىنشى كەزەڭىندە شامامەن 1600 اقپاراتتىق تالاپتاردى %30 عا قىسقارتۋ جوسپارلانعان.

دەنساۋلىق ساقتاۋ جانە ءبىلىم بەرۋ نىساندارى قۇرىلىسىنىڭ نورماتيۆتىك- قۇقىقتىق جانە تەحنيكالىق اكتىلەرىندەگى تالاپتار دا ماڭىزدى ەكەنى اتاپ ءوتىلدى. اتالعان ماسەلەلەردى شەشۋ ءۇشىن جۇمىس توبى قۇرىلدى. كەلەسى كەزەڭدە دەنساۋلىق ساقتاۋ جانە ءبىلىم بەرۋ ۇيىمدارىنىڭ 30 دان استام ەسكىرگەن سانيتارلىق ەرەجەلەرىن الىپ تاستاۋ جوسپارلانعان.

نەگىزسىز سالىقتىق تەكسەرۋلەر بويىنشا پروبلەمالاردى شەشۋ ءۇشىن جوسپارلى تەكسەرىستەر سانى قىسقارادى، جەتكىزۋشىلەردىڭ قارسى تەكسەرۋلەرى الىنىپ تاستالادى. بۇل تەكسەرۋلەردى %40 قىسقارتۋعا مۇمكىندىك بەرەدى.

بۇدان وزگە، بيزنەستىڭ مەملەكەتتىك ساتىپ الۋلارعا جانە كۆازيمەملەكەتتىك سەكتور ساتىپ الۋلارىنا قولجەتىمدىلىگىن قامتاماسىز ەتۋ بويىنشا اۋقىمدى جۇمىستار جۇرگىزىلدى. بۇل باعىتتا ساتىپ الۋلاردىڭ ەلەكتروندى الاڭى، ساناتتىلىق جانە بىلىكتىلىك الدى ىرىكتەۋ جۇيەسى ەنگىزىلدى.

سونىمەن بىرگە ءاربىر جۇيە قۇراۋشى كاسىپورىن بويىنشا جەرگىلىكتى قامتۋ ۇلەسىن ارتتىرۋ جۇمىسى جۇرگىزىلۋدە. اتاپ ايتقاندا، ءونىم نومەنكلاتۋراسىن جانە ءىرى كاسىپورىنداردا سۇرانىستى قالىپتاستىرۋ ءۇشىن تالداۋ جۇرگىزىلەدى.

قورىتىندىلاي كەلە، ق ر ۇكىمەتىنە بيزنەستىڭ دامۋىنا نە كەدەرگى كەلتىرەتىنىن جانە ماسەلەلەردى شەشۋ ءۇشىن مەملەكەت تاراپىنان قانداي كومەكتەر كورسەتىلەتىندىگىن ءبىلۋ ماڭىزدى ەكەنى اتاپ ءوتىلدى.