15:12, 23 - قازان 2017 | GMT +6
تۇرىكمەنستان پرەزيدەنتى اشحابادتاعى قۇرىلىس جۇمىستارىن اتپەن ارالاپ كوردى - كەسكىن
استانا. قازاقپارات - تۇرىكمەنستان پرەزيدەنتى گۋربانگۋلى بەردىمۋحامەدوۆ اشحابادتاعى قۇرىلىس جۇمىستارىن اتپەن ارالادى، - دەپ حابارلايدى «حرونيكا تۋركمەنيستانا».
ب ا ق مالىمەتىنشە، تۇرىكمەنستان باسشىسى بۇل تەكسەرىسى 21 -قازاندا ەلوردا مەرىنىڭ وتىنىشىمەن وتكەن.
«تۇرىكمەنستان پرەزيدەنتى اشحاباد مەرىنىڭ ءوتىنىشى بويىنشا قۇرىلىس جۇمىستارىن باقىلادى. ات ۇستىندە»، - دەلىنگەن روليك تيترلەرىندە. كادرلاردان بەردىمۋحامەدوۆتىڭ نىسانداردى قاراپ، تاپسىرما بەرىپ جۇرگەنىن كورۋگە بولادى.
ەسكە سالايىق، مۇنىڭ الدىندا تۇرىكمەنستان پرەزيدەنتى ەلدەگى بارلىق الەۋمەتتىك جەڭىلدىك جۇيەسىن ءتيىمسىز دەپ اتاپ، الىپ تاستاۋدى تاپسىرعان ەدى. تۇرىكمەنستان ازاماتتارىنا بەرىلەتىن جەڭىلدىكتەردى 1993 -جىلى ەلدىڭ ءبىرىنشى پرەزيدەنتى ساپارمۋرات نيازوۆ ەنگىزگەن ەدى. سول ارقىلى حالىق سۋدى، گازدى جانە ەلەكتردى تەگىن پايدالاناتىن.
