ۇكىمەت وتىرىسى: قازاقستاندا ءداندى داقىلداردى جيناۋ اياقتالدى

استانا. قازاقپارات - قازاقستاندا ءداندى داقىلداردى جيناۋ ناۋقانى تولىقتاي اياقتالدى.

بۇل تۋرالى ۇكىمەت وتىرىسىندا ا و ك- ءنى دامىتۋعا ارنالعان مەملەكەتتىك باعدارلامانى ورىنداۋدىڭ بيىلعى قورىتىندىسى بويىنشا بايانداما جاساعان ق ر اۋىل شارۋاشىلىعى ءبىرىنشى ۆيتسە-ءمينيسترى قايرات ايتۋعانوۆ ءمالىم ەتتى، دەپ حابارلايدى قازاقپارات.

«ءداندى داقىلداردى جيناۋ ناۋقانى اياقتالدى، گەكتارىنا ورتاشا 14,3 تسەنتنەر ونىمدىلىكپەن 21,9 ميلليون توننا استىق جينالدى. جيناۋ قارقىنى بىلتىرعى جىلدان 1,1 ميلليون گەكتارعا جوعارى بولدى. 3,4 ميلليون توننا ارپا جينالدى، بۇل باعدارلامانىڭ ينديكاتورىنان 600 مىڭ تونناعا جوعارى (جوسپار 2,8 ميلليون توننا)»، - دەدى ءبىرىنشى ۆيتسە- مينيستر.

ونىڭ سوزىنە قاراعاندا، مايلى داقىلداردىڭ 2 ميلليون گەكتارى نەمەسە 80 پايىز القابى جينالدى. جيناۋ قارقىنى وتكەن جىلدان 636 مىڭ گەكتارعا جوعارى. 1,9 ميلليون توننا مايلى تۇقىمدار جينالدى، بۇل جىلدىق جوسپارعا سايكەس بولىپ تۇر (جوسپار 1,9 ميلليون توننا).

«سونىمەن قاتار 5,5 ميلليون توننا كوكونىس پەن باقشا ونىمدەرى جينالدى، بۇل وتكەن جىلدىڭ ءتيىستى كەزەڭىنەن 127 مىڭ تونناعا جوعارى. قانت قىزىلشاسىن جيناۋ جالعاسۋدا، ءونىمنىڭ ءوسىمى 1,5 ەسە دەڭگەيىندە كۇتىلۋدە»، - دەدى ايتۋعانوۆ.

اۆتور: رۋسلان عابباسوۆ