بۇركىتشىلەر استاناداعى تۋرنيرگە دايىندالىپ جاتىر
ق ر ۇلتتىق سپورت تۇرلەرى قاۋىمداستىعىنىڭ ۇيىمداستىرۋىمەن وتكىزىلەتىن اتالمىش تۋرنير بيىلعى جىلى ءۇشىنشى مارتە تۋ كوتەرمەكشى، دەپ حابارلايدى قازاقپارات ulttyqsport.kz سايتىنا سىلتەمە جاساپ.
«بيىلعى جىل باسىندا بۇركىتشىلەرىمىز ناۋرىزعا دەيىن بىرنەشە رەسپۋبليكالىق سايىستا ب ا ق سىنادى. ەسكە سالىپ وتسەك، الدىمەن شىعىس قازاقستان وبلىسىنىڭ اياگوز اۋدانىندا قۇسبەگىلەر Ⅺ رەت ۇيىمداستىرىلعان ەرەسەكتەر اراسىنداعى قازاقستان چەمپيوناتىنىڭ جۇلدەلەرىن ساراپقا سالدى.
ىلە- شالا الماتى وبلىسىندا 9-11 -اقپاندا سول ءوڭىردىڭ اتاقتى بۇركىتشىلەرى ابەن توقتاسىن ۇلى مەن سەيىتجان ءبايجۇنىس ۇلىن ەسكە الۋعا ارنالعان رەسپۋبليكالىق تۋرنير، ودان سوڭ 17-19 -اقپاندا اتىراۋ وڭىرىندە «قانسونار-2017»، 21-23 -اقپاندا اقتاۋدا «سونار-2017» اتتى ساياتشىلاردىڭ رەسپۋبليكالىق جارىستارى ۇيىمداستىرىلدى. بۇل جارىستاردىڭ بارلىعى ق ر مادەنيەت جانە سپورت مينيسترلىگىنىڭ جىلدىق كۇنتىزبەلىك جوسپارىنا سايكەس وتكىزىلدى»، - دەپ اتاپ وتىلگەن باسپا ءسوز قىزمەتىنىڭ مالىمەتىندە.
كۇنتىزبەلىك جوسپارعا سايكەس، ۇيىمداستىرىلاتىن بۇركىتشىلەردىڭ بيىلعى جىلعى جالعاستى باسەكەلەرى قازان- جەلتوقسان ايلارىنا بەلگىلەنگەن. ق ر سپورت جانە دەنەشىنىقتىرۋ ىستەرى كوميتەتىنە قاراستى ۇلتتىق سپورت باسقارماسىنىڭ ساياتشىلىقتان باس جاتتىقتىرۋشىسى بازاربەك كۇنتۋعان ۇلىنىڭ ايتۋىنشا، 28-29 -قازان كۇندەرى وتەتىن تۋرنيردە وننان استام وبلىستىڭ بۇركىتشىلەرى باق سىناماقشى.
ايتا كەتەيىك، وسى تۋرنيردەن كەيىن دە بىرنەشە بۇركىتشىلەر جارىسىن وتكىزۋ جوسپارلانىپ وتىر. سولاردىڭ ىشىندە شوقتىعى بيىگى، قاراشا ايىنىڭ سوڭىندا تۋ كوتەرەتىن اتاقتى بۇركىتشى ءماسىپ باتىرحان ۇلى اتىنداعى بۇركىتشىلەر تۋرنيرى.
