ەكسپو قالاشىعىنىڭ پاتەرلەرى قاشان ساتىلادى؟
استانا. قازاقپارات - ەكسپو- قالاشىقتىڭ تۇرعىن ۇيلەرى مەن اۆتوتۇراقتارى ساتۋ ءۇشىن 2018- جىلدىڭ 1- قاڭتارىنان كەيىن عانا «بايتەرەك ديەۆەلوپمەنت» ا ق- قا قايتارىلادى، دەپ حابارلايدى « قازاقپارات» ح ا ا ءتىلشىسى.
اعىمداعى جىلدىڭ جەلتوقسانىنا دەيىن «بايتەرەك ديەۆەلوپمەنت» ا ق «استانا ەكسپو-2017» ۇلتتىق كومپانياسىنان جالعا الۋشى رەتىندە قالا بەرمەك.
سوندىقتان دا ونداعى پاتەرلەر بيىل ساتىلمايدى. ەكسپو - قالاشىق قازاقستان ۇكىمەتىنىڭ قاۋلىسىمەن 2014- جىلى «استانا ەكسپو-2017» ۇلتتىق كومپانياسىنىڭ يەلىگىنە بەرىلگەن- ءدى.
جوبا اياقتالعان سوڭ وسى قۇجاتقا سايكەس جىلجىمايتىن مۇلىكتى ساتۋ ءۇشىن قالاشىق اكسيونەرلىك قوعامعا قايتارىلۋى ءتيىس بولاتىن.
«ەكسپو-2017» حالىقارالىق كورمەسىنە ارناپ سالىنعان باسقا نىساندار، سونىڭ ىشىندە «نۇر الەم» پاۆيلونى مۋزەي كەشەنى رەتىندە پايدالانىلا بەرەدى. С3 جانە 4С حالىقارالىق پاۆيلوندارىنا استانا حالىقارالىق قارجى ورتالىعى ورنالاسادى، С1 - «Job World» ادام رەسۋرستارىن دامىتۋ ءبىلىم بەرۋ ورتالىعى، D1 - «جاسىل» تەحنولوگيالار حالىقارالىق ورتالىعى، D4 - حالىقارالىق IT- تەحنوپارك ەنشىسىنە بەرىلەدى.
«كورمە اۋماعىنا ورنالاسقان (كوممەرتسيالىق نەگىزدە - رەد.) ۇيىمدار تۋرالى اقپارات پاۆيلوندار جوندەلىپ، عيماراتتار جالعا بەرىلگەننەن كەيىن بەلگىلى بولادى»، - دەلىنگەن «استانا ەكسپو-2017» ۇلتتىق كومپانياسىنىڭ «قازاقپارات» ح ا ا- نىڭ رەسمي ساۋالىنا بەرگەن جاۋابىندا.
