ەلباسى وزبەكستان مەن تۇرىكمەنستانعا ساپارىندا قانداي ماسەلەلەر كوتەرىلەتىندىگىن ايتتى

«كورشىلەرمەن ءار ۋاقىتتا دا ماسەلەلەر تۋىنداپ وتىرادى. ويتكەنى، ولار كورشىلەر. مەن وزبەكستانعا بارامىن، قازاندا رەسەيگە ساپارلايمىن. دەمەك، ماسەلەلەر ءار ۋاقىتتا دا بار. قازىر ءبىزدىڭ كورشىلەرىمىزبەن، اسىرەسە، وزبەكستانمەن جاعداي وتە جاقسى قالىپتاسۋدا. ماسەلەن، بارلىق وتكىزۋ پۋنكتتەرى اشىق، ولار ءبىزدىڭ استىققا اكسيزدى جويدى دەسەك تە بولادى. ولارعا قازاقستان ارقىلى تاشكەنتتەن باسقا وبلىسقا بارۋلارىنا نەمەسە ءبىز ماقتاارالدان وزبەكستان ارقىلى جۇرۋىمىزگە تۋرا كەلگەن قاراما-قايشى جاعداي بولدى. اتالعان ەكى پۋنكت تە جابىق ەدى. جول جامان، اينالما جولمەن 50 ءدىڭ ورنىنا 150 شاقىرىم ءجۇرىپ جۇردىك. قازىرگى ۋاقىتتا بۇل دۇرىستالدى جانە ءبارى دە جاقسى بولادى»، - دەدى ەلباسى.
مەملەكەت باسشىسىنىڭ دەرەگىنشە، اعىمداعى جىلى وزبەكستان مەن قازاقستاننىڭ تاۋار اينالىمى 25 پايىزعا ارتقان.
«وتە جاقسى كورسەتكىش، تاۋار الىس-بەرىسى بار. سوندىقتان مەملەكەتارالىق قارىم-قاتىناس پەن وڭىرلىك ماسەلەلەردى تالقىلايتىن بولامىز. ءۇش مەملەكەت وزبەكستان، تاجىكستان جانە قازاقستان شەكارادا «ءتۇيىسۋ نۇكتەسىنە» قول قويۋى ءتيىس. پروبلەما جوق. ءبىراق، شەشىم ءۇشىن وعان قول قويۋ قاجەت»، - دەپ اتاپ ءوتتى ق ر پرەزيدەنتى.
نۇرسۇلتان نازاربايەۆ تۇرىكمەنستانعا ساپارىنا قاتىستى اشحابادتا جابىق عيماراتتا وتەتىن جانە جاۋىنگەرلىك ونەر سىنعا تۇسەتىن V ازيا ويىندارىنىڭ اشىلۋىنا باراتىندىعىن ايتتى. «پرەزيدەنت (عۇربانع ۇلى بەردىمۇحامەدوۆ) ويىنداردىڭ اشىلۋ سالتاناتىنا شاقىردى. ول «ەكسپو-2017» اشىلۋىنا كەلگەن بولاتىن. ەندى مەن وعان بارۋعا ءتيىسپىن»، - دەدى ق ر پرەزيدەنتى.
اۆتور: مارلان جيەمباي