دارحان كالەتايەۆ: لاتىن قارپىن ەنگىزۋ ەلىمىزدىڭ رۋحاني بولمىسىن جاڭعىرتادى
بۇگىن پارلامەنتتە «مەملەكەتتىك ءتىلدىڭ لاتىن گرافيكاسىنداعى ءالىپبيىنىڭ ءبىرىڭعاي ستاندارتىن ەنگىزۋ ماسەلەلەرى تۋرالى» پارلامەنتتىك تىڭداۋ بارىسىندا ق ر پارلامەنتى سەناتىنىڭ دەپۋتاتى دارحان كالەتايەۆ وسىلاي ءمالىم ەتتى، دەپ حابارلايدى، قازاقپارات ءتىلشىسى.
سەناتوردىڭ ايتۋىنشا، كەز كەلگەن مەملەكەتتىك، حالىقتىق باستامانىڭ تابىستى ىسكە اسۋى ءۇشىن ساياسي، ەكونوميكالىق، الەۋمەتتىك نەگىزدەمە جانە قوعام تاراپىنان سۇرانىس بولۋى ءتيىس. «ءدال قازىرگى ۋاقىتتا مەملەكەتتىك ءتىلدى رەفورمالاۋعا نەگىزدەمە دە، سۇرانىس تا بار دەپ ويلايمىن»، - دەدى دارحان قالەتايەۆ.
ونىڭ ايتۋىنشا، بۇل ۇلتىمىز ءۇشىن، بولاشاق ءۇشىن اسا وزەكتى ءارى قاجەتتى جوبا ەكەندىگى داۋ تۋعىزبايدى. سوندىقتان ءبىز «لاتىن ءالىپبيى قاجەت پە؟» دەگەن سۇراققا ەمەس، «لاتىن ءالىپبيىن قالاي ءتيىمدى تۇردە ەنگىزەمىز؟» دەگەن سۇراققا جاۋاپ ىزدەۋىمىز كەرەك.
«باۋىرلاس تۇركيا، ازەربايجان، وزبەكستان، تۇرىكمەنستان ەلدەرىن ايتپاعاننىڭ وزىندە، ءتول الىپبيلەرى بار جاپونيا، قىتاي سياقتى الپاۋىت مەملەكەتتەر لاتىن گرافيكاسىنداعى ءالىپبيدىڭ قوسىمشا نۇسقاسىن ەنگىزىپ وتىر. وسىنىڭ ءوزى كوپ نارسەنى اڭعارتسا كەرەك»، - دەپ اتاپ ءوتتى دەپۋتات.
ونىڭ پىكىرىنشە، رەفورمانى جۇزەگە اسىراتىن اتقارۋشى بيلىكتىڭ، قۇزىرلى ورگانداردىڭ موينىندا دا ۇلكەن تاريحي جاۋاپكەرشىلىك تۇر.
«ءبىز ءبىرىڭعاي ستاندارتتى حالىقتىڭ قولدانىسىنا ەنگىزۋدىڭ بارىنشا ءتيىمدى ءارى جەڭىل جولدارىن قاراستىرۋىمىز كەرەك. ەڭ باستىسى، بۇل باستاما جارقىن بولاشاققا بەت العان ەلىمىزدىڭ رۋحاني بولمىسىن، قوعامدىق وي- ساناسىن وزگەرتەدى، جاڭعىرتادى»، - دەپ تۇيىندەدى د. كالەتايەۆ.
ايتا كەتەيىك، پارلامەنتتىك تىڭداۋعا ءماجىلىس ءتوراعاسى نۇرلان نىعماتۋلين، پرەمەر- ءمينيستردىڭ ورىنباسارى ەربولات دوسايەۆ، سەنات جانە ءماجىلىس دەپۋتاتتارى مەن مەملەكەتتىك ورگانداردىڭ وكىلدەرى قاتىسۋدا. «رۋحاني جاڭعىرۋ» باعدارلاماسى اياسىندا قازاقستان رەسپۋبليكاسى پرەزيدەنتىنىڭ جانىنداعى قوعامدىق سانانى جاڭعىرتۋ باعدارلاماسىن ىسكە اسىرۋ جونىندەگى ۇلتتىق كوميسسيانىڭ جۇمىس توبىنىڭ ۇسىنىستارىن تالقىلاۋ قاراستىرىلۋدا..
تالقىلاۋعا سونداي-اق، ءالىپبي جوباسىن ازىرلەۋشى ا. بايتۇرسىنوۆ اتىنداعى ءتىل ءبىلىمى ينستيتۋتىنىڭ جانە ش. شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ- ادىستەمەلىك ورتالىعىنىڭ باسشىلارى، جوعارى وقۋ ورىندارىنىڭ رەكتورلارى، عىلىم جانە مادەنيەت قايراتكەرلەرى، عالىمدار مەن ساراپشىلار، ونىڭ ىشىندە شەتەلدىكتەر، قوعامدىق ۇيىمدار مەن بۇقارالىق اقپارات قۇرالدارىنىڭ وكىلدەرى شاقىرىلدى.
