قازاقستان مۇسىلمان ەلدەرىنە ازىق-تۇلىك ەكسپورتىن ۇلعايتۋعا ءازىر
بۇل تۋرالى بۇگىن يسلام ىنتىماقتاستىق ۇيىمىنىڭ عىلىم جانە تەحنولوگيالار جونىندەگى سامميتىندە ەلباسى نۇرسۇلتان نازاربايەۆ ءمالىم ەتتى، دەپ حابارلايدى قازاقپارات.
«جاسىل» تەحنولوگيالاردى دامىتۋ سالاسىنداعى ىنتىماقتاستىق ءۇشىن «جاسىل» تەحنولوگيالار مەن ينۆەستيتسيالار جونىندەگى حالىقارالىق ورتالىقتىڭ مۇمكىندىگىن پايدالانعان ءجون. اتالعان ورتالىق ءۇش اي بويى الەم نازارىن ەلىمىزگە اۋدارعان ەكسپو-2017 كورمەسىنىڭ بازاسىندا قۇرىلاتىن بولادى. ەكسپو-2017 حالىقارالىق كورمەسى ەلوردامىزدا «بولاشاق ەنەرگياسى» دەگەن تاقىرىپپەن وتكەنىن بىلەسىزدەر. وعان دۇنيەجۇزىنىڭ 115 مەملەكەتى مەن 22 حالىقارالىق ۇيىمى اتسالىستى. ولاردىڭ اراسىندا سىزدەردىڭ دە ەلدەرىڭىز بار. ەكسپو كورمەسىندە ەنەرگەتيكا سالاسىنداعى جاڭا يدەيالار، زەرتتەۋلەر مەن تەحنولوگيالار كورىنىس تاپتى. ءسامميتىمىزدىڭ وسى كورەمىنىڭ اياسىندا ءوتۋىنىڭ سيمۆولدىق ءمانى بار دەپ بىلەمىن»، - دەدى پرەزيدەنت.
بۇدان بولەك، ن. نازاربايەۆ ي ى ۇ ەلدەرى ءۇشىن اگرارلىق سالادا ىنتىماقتاستىق اسا ماڭىزدى ەكەنىن اتاپ ءوتتى.
«ءبارىمىز بىرلەسىپ اگرارلىق عىلىمدى دامىتىپ، جاڭا تەحنولوگيالاردى ەنگىزۋىمىز قاجەت. بۇل تەك اۋىل شارۋاشىلىعىنىڭ باسەكەگە قابىلەتتىگىن ارتتىرۋ ەمەس، بۇدان دا تىعىز ينتەگراتسيا مەن ازىق-تۇلىك قاۋىپسىزدىگىن قامتاماسىز ەتۋ ءۇشىن قاجەت. يسلام ىنتىماقتاستىعى ۇيىمىنا مۇشە مەملەكەتتەردىڭ ازىق-تۇلىك قاۋىپسىزدىگى جونىندەگى يسلام ۇيىمىنىڭ جۇمىسىن بەلسەندى قولدايتىندارىڭىزعا سەنىمدىمىن. قازاقستان ءوز تاراپىنان ازىق-تۇلىكتى كوبەيتۋگە، يسلام ەلدەرىنە ءونىمدى شىعارۋعا بارلىق جاعدايى مەن مۇمكىنشىلىكتەرى بار. بۇل ۇيىمىنىڭ شتاب-پاتەرى جاقىندا استانا قالاسىندا ءوز جۇمىسىن باستايتىن بولادى»، - دەدى مەملەكەت باسشىسى.
