ەلباسى ا ح ق و- دا يسلام قارجى ىنتىماقتاستىعىن دامىتۋعا شاقىردى

استانا. قازاقپارات - ق ر پرەزيدەنتى نۇرسۇلتان نازاربايەۆ «استانا حالىقارالىق قارجى ورتالىعىن يسلام قارجى سالاسىنداعى ىنتىماقتاستىقتى ارتتىرۋعا شاقىردى، دەپ حابارلايدى قازاقپارات.

«يسلام قارجىسىن، سونىڭ ىشىندە ونىڭ عىلىم مەن يننوۆاتسيانى قارجىلاندىرۋدىڭ ءرولىن كۇشەيتۋ قاجەت. قازاقستاندا بيىلعى ەكسپو-2017 كورمەسى ءوتىپ جاتىر. سول كورمە اياقتالعاننان كەيىن ونىڭ بازاسىندا ءبىز «استانا» حالىقارالىق قارجى ورتالىعىن ورنالاستىرامىز. يسلام قارجى قۇرالدارى مەن «جاسىل» قارجىلاردى دامىتۋ - ونىڭ قىزمەتىنىڭ ماڭىزدى باعىتى بولىپ سانالادى. سىزدەردى يسلام قارجى سالاسىنداعى ىنتىماقتاستىقتى ارتتىرۋعا شاقىرامىز»، - دەدى پرەزيدەنت يسلام ىنتىماقتاستىق ۇيىمىنىڭ عىلىم جانە تەحنولوگيالار جونىندەگى سامميتىندە.

بۇل رەتتە ن. نازاربايەۆ يسلام دامۋ بانكىنىڭ عىلىم مەن يننوۆاتسيالاردى قارجىلاندىرۋ جونىندەگى الەۋەتى وتە زور ەكەنىن اتاپ ءوتتى. بۇگىنگى سامميتتىڭ نەگىزگى قۇجاتتارى رەتىندە قورىتىندى كومميۋنيكە مەن استانا دەكلاراتسياسى بولماق. بيىلعى جيىنعا ي ى ۇ- عا قاتىسۋشى 56 مەملەكەت، سونداي-اق حالىقارالىق جانە وڭىرلىك ۇيىمدار قاتىسۋدا. بەلگىلى بولعانداي، سامميت كەزىندە يسلام ىنتىماقتاستىعى ۇيىنىڭ عىلىم مەن تەحنولوگيالار بويىنشا سىيلىعى تاپسىرىلادى دەپ كۇتىلۋدە.

ايتا كەتەيىك، مۇسىلمان مەملەكەتتەرى باسشىلارىنىڭ 1969-جىلعى 25- قىركۇيەكتە راباتتا وتكەن كونفەرەنتسياسىندا نەگىزى قالانعان يسلام ىنتىماقتاستىعى ۇيىمى (ي ى ۇ) - ەڭ ءىرى جانە ىقپالدى ۇكىمەتتىك ءارى حالىقارالىق مۇسىلمان ۇيىمى. قازىرگى ۋاقىتتا ول جالپى سانى شامامەن 1,5 ميلليارد ادامدى قامتيتىن 57 ەلدىڭ باسىن بىرىكتىرىپ وتىر.