سەرىك ساپيەۆ قازاقستان حالقىنا انت بەردى

استانا. قازاقپارات - بۇگىن پارلامەنت ءماجىلىسىنىڭ جالپى وتىرىسىندا سەرىك ساپيەۆ پەن البەرت راۋ قازاقستان حالقىنا انت بەردى، دەپ حابارلايدى قازاقپارات.

«قازاقستان حالقىنا ادال قىزمەت ەتۋگە، قازاقستان رەسپۋبليكاسىنىڭ تۇتاستىعى مەن تاۋەلسىزدىگىن نىعايتۋعا، ونىڭ كونستيتۋتسياسى مەن زاڭدارىنا قاتاڭ باعىنۋعا، دەپۋتاتتىڭ وزىمە جۇكتەلگەن مارتەبەلى مىندەتتەرىن ادال اتقارۋعا انت ەتەمىن!» - دەدى انت بەرگەن دەپۋتاتتار.

ەستەرىڭىزگە سالا كەتەيىك، 2017 -جىلدىڭ اقپانىندا وليمپيادا چەمپيونى سەرىك ساپيەۆ پارلامەنت ءماجىلىسىنىڭ دەپۋتاتى بولدى.

سونىمەن قاتار ناۋرىز ايىندا ق ر ورتالىق سايلاۋ كوميسسياسى وتىرىسى بارىسىندا «نۇر وتان» پارتياسىنىڭ مۇشەسى البەرت پاۆلوۆيچ راۋدى قازاقستان رەسپۋبليكاسى پارلامەنتى ءماجىلىسىنىڭ دەپۋتاتى ەتىپ تىركەۋ تۋرالى شەشىم قابىلدادى.

وسىعان دەيىن البەرت راۋ ق ر ينۆەستيتسيالار جانە دامۋ ءبىرىنشى ۆيتسە-ءمينيسترى قىزمەتىن اتقارعان ەدى.

بۇدان بۇرىن حابارلانعانداي، 4 -قىركۇيەكتە پارلامەنت سەناتىنىڭ جاڭادان سايلانعان دەپۋتاتتارى قازاقستان حالقىنا انت بەرگەن بولاتىن.