قازاقستاندا ەڭ تومەنگى كۇنكورىس دەڭگەيى ارتتى

استانا. قازاقپارات - 2017-جىلدىڭ تامىز ايىندا قازاقستاندا ەڭ تومەنگى كۇنكورىس دەڭگەيى   25667 تەڭگەنى قۇرادى، بۇل وتكەن ايداعى كورسەتكىشتەن %5 عا كوپ، دەپ حابارلايدى قازاقپارات ق ر ۇلتتىق ەكونوميكا مينيسترلىگى ستاتيستيكا كوميتەتىنىڭ حابارلاماسىنا سىلتەمە جاساپ.

بيىلعى تامىز ايىندا نەگىزگى ازىق-تۇلىك ونىمدەرىن تۇتىنۋدىڭ ەڭ تومەنگى نورماسىمەن ەسەپتەلگەن تومەنگى كۇنكورىس دەڭگەيىنىڭ (ت ك د) مولشەرى 2016-جىلدىڭ جەلتوقسان ايىمەن سالىستىرعاندا %19,3 عا، تامىز ايىمەن سالىستىرعاندا %8,8 عا ارتقان.

تومەنگى كۇنكورىس دەڭگەيىنىڭ قۇرىلىمىندا ەت پەن بالىق ساتىپ الۋ شىعىندارىنىڭ ۇلەسى %19,3 دى قۇراسا، جەمىس-جيدەك پەن كوكونىستەر - %16,3، ءسۇت، ماي ونىمدەرى مەن جۇمىرتقا - %14,5، نان جانە جارما ونىمدەرى - %7,5، قانت، ءشاي، دامدەۋىشتەر شىعىنى - %2,4 كورسەتكەن.