ەرلان ساعاديەۆ وقۋشىلاردى ءبىلىم كۇنىمەن قۇتتىقتادى
«قۇرمەتتى ۇستازدار، بالالار، اتا-انالار! بارشاڭىزدى بۇگىنگى ءبىلىم مەرەكەسى - العاشقى قوڭىراۋمەن، جاڭا وقۋ جىلىنىڭ باستالۋىمەن شىن جۇرەكتەن قۇتتىقتايمىن. بالالارىمىزعا ۇزدىك وقۋشىلار بولىپ، ساپالى ءبىلىم، جوعارى دەڭگەيدە ءتالىم- تاربيە الىپ، كەلەشەكتە ۇلكەن ءومىردىڭ بارلىق جولدارى اشىلسىن! ال اتا-انالاردىڭ ارماندارى ورىندالسىن!»، - دەدى سالتاناتتى شارادا ءسوز سويلەگەن مينيستر.
سونىمەن قاتار ول بيىلعى وقۋ جىلىنىڭ ەرەكشەلىگىنىڭ ءبىرى ۇلكەن وزگەرىستەردىڭ بولماۋىندا ەكەندىگىن ايتتى.
«ەڭ ماڭىزدى ماسەلەلەر بويىنشا شەشىمدەر بىلتىرعى وقۋ جىلىندا قابىلدانعان بولاتىن. ەندى سول جۇمىستاردى ودان ارى جالعاستىراتىن بولامىز. جۇمىستار قيىن ەمەس، مۇعالىمدەر دايىن. وقۋلىقتاردى جەتكىزدىك. ءبىز ونى كۇن سايىن تەكسەرىپ وتىرمىز»، - دەدى ەرلان ساعاديەۆ.
ايتا كەتەيىك، 80№ مەكتەپ- گيمنازيا 2015-2016- وقۋ جىلىنىڭ 11- قىركۇيەگىندە اشىلعان بولاتىن.
مەكتەپ 1100 وقۋشىعا ارنالعان. قازىرگى ۋاقىتتا 1380 بالا ءبىلىم الۋدا. ءبىلىم ورداسى 1 اۋىسىممەن جۇمىس ىستەيدى. وقۋ جوسپارى مەملەكەتتىك جالپى مىندەتتى ستاندارتقا سايكەس قۇرىلعان.