داۋرەن ابايەۆ ەرەكشە رەاليتي- شوۋعا قاتىسپاق
ۇسىنىس ۇلتتىق تەلەارنانىڭ جاڭا ماۋسىمىنداعى جوبا تۇساۋكەسەرىندە ايتىلدى، دەپ حابارلايدى قازاقپارات ءتىلشىسى.
تەلەراديوكەشەن باسشىسىنىڭ شاقىرتۋىن مينيستر ىلتيپاتپەن قابىل الدى. ول بۇل رەتتە مۇنىڭ ءوزى ءۇشىن جاڭا تاجىريبە بولاتىندىعىن، جوباداعى تۇسىرىلىمگە ۋاقىت ءبولۋ ماسەلەسىن شەشۋ كەرەكتىگىن باسا ايتتى.
«24 ساعات تابيعات قۇشاعىندا» رەاليتي- شوۋىنا قاتىسۋعا شاقىرتۋ ءتۇستى. ارينە، مەن دايىنمىن. مەنىڭ قولىمنەن كەلەدى دەپ سەنەمىن. بۇل مەن ءۇشىن جاڭا تاجىريبە بولماق. الايدا بارلىعى ۋاقىتقا بايلانىستى. مەن جوبانىڭ قىركۇيەك-قازان ايلارىندا جۇرگىزىلەتىن تۇسىرىلىمدەرىنە تاپ بولعاندى قالايمىن. ەگەر وعان مۇمكىندىك بولماسا، وندا جەلتوقسانداعى تۇسىرىلىمدەردى كۇتۋگە تۋرا كەلەدى»، - دەدى د. ابايەۆ.
«24 ساعات تابيعات قۇشاعىندا» ەكشن رەاليتي-شوۋى قازاقستاننىڭ سۇلۋ تابيعاتىن كورەرمەندەرگە تانىستىرادى. ءتۇسىرىلىم ەلىمىزدىڭ 14 وبلىسىندا بولعاندىقتان، سوعان سايكەس سونشا باعدارلاما شىعارىلىمى بولماق.
ايتا كەتەيىك، «24 ساعات تابيعات قۇشاعىندا» - «قازاقستان» ۇلتتىق تەلەارناسىنىڭ جاڭا ماۋسىمداعى جوبالاردىڭ ءبىرى.