استانا توڭىرەگىندە قايتا وڭدەۋ كاسىپورىندارىن اشۋ قاجەت - ساعىنتايەۆ
«مال شارۋاشىلىعىنىڭ ەكسپورتتىق الەۋەتىن ارتتىرۋ كەرەك. اۋىل شارۋاشىلىعى مينيسترلىگى اكىمدەرمەن بىرلەسىپ، ىرىكتەپ الىنعان ينۆەستيتسيالىق جوبالاردى ىسكە قوسۋ كەستەسىن ازىرلەپ، ۇكىمەتكە ەنگىزۋى ءتيىس. مۇنان بولەك، ەت، ءسۇت سالاسىنا قوسىمشا ينۆەستورلار تارتۋ ماسەلەسىن قاراستىرۋ قاجەت. اسقار يسابەك ۇلى (پرەمەر- ءمينيستردىڭ ورىنباسارى - اۋىل شارۋاشىلىعى ءمينيسترى - اۆت.) استانا مەن الماتى توڭىرەگىندە سۋپەر قايتا وڭدەۋ كاسىپورىنىن قۇرۋدى تاپسىرامىن. ۇسىنىس ەنگىزۋ قاجەت»، - دەدى ۇكىمەت باسشىسى.
سونىمەن قاتار پرەمەر-مينيستر الماتى تۇبىنەن جاڭا اۆياحاب قۇرىلىسىنا قاتىستى ناقتى ۇسىنىستاردى 1- جەلتوقسانعا دەيىن ەنگىزۋدى تاپسىرىپ، ينۆەستيتسيالار جانە دامۋ مەن ۇلتتىق ەكونوميكا مينيسترلىكتەرىنە 10- قىركۇيەككە دەيىن جەر قويناۋى تۋرالى كودەكستىڭ جوباسىن پرەزيدەنت اكىمشىلىگىمەن كەلىسىپ، سول ايدىڭ سوڭىنا دەيىن پارلامەنتكە ەنگىزۋدى جۇكتەدى.