قازاقستاندا ادامنىڭ بەت-الپەتىن بۇركەمەلەيتىن كيىمگە تىيىم سالىنباق
بۇل تۋرالى بۇگىن ۇكىمەتتە وتكەن باسپا ءسوز ءماسليحاتىندا ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ ءمالىم ەتتى، دەپ حابارلايدى قازاقپارات.
«بيىل قاراشادا پارلامەت قاراۋىنا زاڭ جوباسىن ەنگىزىپ، ونى دەپۋتاتتاردىڭ قولداۋىمەن جەلتوقساندا قابىلداۋ جوسپارلاپ وتىر. قۇجات جوباسىندا قوعامدىق ورىنداردا ادامنىڭ بەت اجارىن بۇركەمەلەيتىن نەمەسە ادامنىڭ ءتۇرىن انىقتاۋعا كەدەرگى كەلتىرەتىن كيىممەن جۇرۋگە تىيىم سالاتىن نورما ەسكەرىلگەن»، - دەدى مينيستر سۇراقتارعا جاۋاپ بەرۋ بارىسىندا.
ونىڭ سوزىنە قاراعاندا، زاڭناماعا تولىقتىرۋلار مەن وزگەرتەۋلەردىڭ يدەولوگيالىق نەگىزىن 2017-2020-جىلدارعا ارنالعان ءدىن سالاسىنداعى مەملەكەتتىك ساياساتتىڭ تۇجىرىمداماسى قۇرادى.
بۇل باعىتتا ساراپشىلار مەن عالىمداردىڭ ۇلكەن توبى بىرنەشە اي بويى جۇمىس ىستەدى. بۇدان بۇرىن حابارلانعانداي، باسپا ءسوز ءماسليحاتىندا مينيستر 2018-جىلى مەكتەپ باعدارلاماسىنا ءدىن تاقىرىبىنداعى جاڭا وقۋلىق ەنگىزىلەتىنىن ءمالىم ەتتى.
اۆتور: رۋسلان عابباسوۆ