20:17, 25 - تامىز 2017 | GMT +6
ەلباسى ۇجىمدىق قاۋىپسىزدىك شارت ۇيىمىنىڭ باس حاتشىسىمەن كەزدەستى
استانا. قازاقپارات - نۇرسۇلتان نازاربايەۆ ۇجىمدىق قاۋىپسىزدىك شارت ۇيىمىنىڭ باس حاتشىسى يۋريي حاچاتۋروۆپەن كەزدەستى، دەپ حابارلايدى اقوردانىڭ باسپا ءسوز قىزمەتى.
كەزدەسۋدە ۇجىمدىق قاۋىپسىزدىك شارت ۇيىمىنىڭ وڭىرلىك قاۋىپسىزدىكتى قامتاماسىز ەتۋدەگى ءرولى جانە ۇيىمدى ودان ءارى ينستيتۋتسيونالدىق دامىتۋ ۇدەرىسىنىڭ باستى اسپەكتىلەرى تالقىلاندى. سونداي- اق، اڭگىمە بارىسىندا بيىلعى كۇزدە مينسك قالاسىندا وتكىزۋ جوسپارلانىپ وتىرعان ۇيىمنىڭ ۇجىمدىق قاۋىپسىزدىك كەڭەسىنىڭ سەسسياسىنا دايىندىق ماسەلەلەرى قاراستىرىلدى.