اقپارات مينيسترلىگى قازاقستاننىڭ تۇتاستىعىنا قاتىستى داۋلى جاريالانىمعا تۇسىنىك بەردى
وسى ماتەريالعا قاتىستى اقپارات جانە كوممۋنيكاتسيالار مينيسترلىگى بايلانىس، اقپاراتتاندىرۋ جانە ب ا ق سالاسىنداعى مەملەكەتتىك باقىلاۋ كوميتەتى «مەملەكەتتىك تەحنيكالىق قىزمەت» ر م ك- عا اتالمىش ماقالانى بۇعاتتاۋ شارالارىن قولدانىپ، سونداي-اق ونى قازاقستان اۋماعىندا جاريالاعان شەتەلدىك سايتتاردا تارالۋىن توقتاتۋ بويىنشا نۇسقاما جولداندى.
بۇل تۋرالى قازاقستان رەسپۋبليكاسى اقپارات جانە كوممۋنيكاتسيالار مينيسترلىگىنىڭ بايلانىس، اقپاراتتاندىرۋ جانە ب ا ق سالاسىنداعى مەملەكەتتىك باقىلاۋ كوميتەتىنىڭ ءتوراعاسى ءادىل قوجىقوۆ حابارلادى.
ول اتاپ وتكەندەي، Forbes.kz قازاقستاندىق باسىلىمىنا رەداكتورلىق باقىلاۋدى كۇشەيتىپ، بولاشاقتا قازاقستان رەسپۋبليكاسىنىڭ تۇتاستىعىن، مەملەكەتتىك قاۋىپسىزدىگىن بۇزاتىن، ەكسترەميزمدى، ۇلتارالىق جانە ءدىنارالىق ارازداستىقتى تۋدىراتىن ناسيحاتتاۋ ماتەريالدارىن جاريالاۋعا جول بەرمەۋ تۋرالى ەسكەرتۋ حات جولداندى.