22:33, 18 - تامىز 2017 | GMT +6
قازاقستان مەن اۋعانستان اراسىندا اۋە رەيستەرى تۇراقتى بولادى
استانا. قازاقپارات - قازاقستان مەن اۋعانستان اراسىندا حالىقارالىق اۋە رەيستەر تۇراقتى قاتىنايتىن بولادى، دەپ حابارلايدى قازاقپارات.
مۇنداي كەلىسىم اۋعانستان پرەمەر-ءمينيسترى ابدۋللا ابدۋللانىڭ قازاقستانعا رەسمي ساپارى اياسىندا بەكىتىلدى.
«ەكى ەلدىڭ اۋە اكىمشىلىكتەرىنىڭ باسشىلارى ەكى مەملەكەت اراسىنداعى تۇراقتى ۇشۋلاردى ورىنداۋ ءۇشىن قۇقىقتىق بازا قۇرۋ تۋرالى كەلىسىمگە قول قويدى. اتالعان كەلىسىم بويىنشا اپتاسىنا 3 حالىقارالىق رەيستى ورىنداۋ قاراستىرىلعان»، - دەپ حابارلاندى ق ر ينۆەستيتسيالار جانە دامۋ مينيسترلىگى ازاماتتىق اۆياتسيا كوميتەتىنىڭ فەيسبۋكتەگى پاراقشاسىندا.
كوميتەتتىڭ حابارلاۋىنشا، بۇگىنگى كۇنگە دەيىن اۋعاندىق «كام ەير» اۋە كومپانياسى ارقىلى الماتى-كابۋل باعىتى بويىنشا چارتەرلىك ۇشۋلار عانا ورىندالعان. ەندى بۇل رەيستەر تۇراقتى نەگىزگە اۋىستىرىلادى.
