سەنات دەپۋتاتتارى سايلاۋىنىڭ الدىن الا ناتيجەلەرى بەلگىلى بولدى

بۇل تۋرالى بۇگىن ق ر ورتالىق سايلاۋ كوميسسياسىنىڭ مۇشەسى ءلاززات سۇلەيمەنوۆا ءمالىم ەتتى، دەپ حابارلايدى قازاقپارات.

«استانا ۋاقىتىمەن 12:00 دە 14 وڭىردە ق ر پارلامەنتى سەناتى دەپۋتاتتىعىنا كانديداتتاردى سايلاۋدىڭ الدىن الا قورىتىندىلارى شىعارىلدى.

داۋىستاردى ساناۋ ناتيجەلەرىن و س ك- ءنىڭ سايتىنان كورە الاسىزدار. ق ر- داعى سايلاۋ تۋرالى كونستيتۋتسيالىق زاڭىنىڭ 78- بابى 2- تارماعىنا سايكەس وبلىستىق، استانا جانە الماتى قالالىق اۋماقتىق سايلاۋ كوميسسيالارىنىڭ داۋىستاردى ساناۋ حاتتاماسى سايلاۋ كۇنىنەن باستاپ ەكى كۇنگە تولماي ورتالىق سايلاۋ كوميسسياسىنا تابىستالۋى ءتيىس. وسى حاتتامالاردىڭ نەگىزىندە و س ك رەسپۋبليكا بويىنشا سايلاۋ قورىتىندىلارىن شىعاراتىن بولادى»، - دەدى ءلاززات سۇلەيمەنوۆا.

ونىڭ ايتۋىنشا، قاراعاندى مەن شىعىس قازاقستان وبلىستارىندا الدىن الا قورىتىندى ءالى شىعا قويعان جوق.

سونىمەن اقمولا وبلىسىندا داۋرەن ادىلبەكوۆ 94,46، اقتوبە وبلىسىندا مۇحتار جۇماعازيەۆ 93,12, الماتى وبلىسىندا نۇرلان قىلىشبايەۆ 91,13، اتىراۋ وبلىسىندا عۇمار دۇيسەمبايەۆ 82,44، شىعىس قازاقستان وبلىسىندا دۇيسەنعازى مۋسين 93,57، جامبىل وبلىسىندا ابدالى نۇراليەۆ 86,87، باتىس قازاقستان وبلىسىندا ناريمان تورەعاليەۆ 80,41،  قىزىلوردا وبلىسىندا مۇرات باقتيار ۇلى 70,14، قوستاناي وبلىسىندا جەڭىس نۇرعاليەۆ 86,49، ماڭعىستاۋ وبلىسىندا باقتىباي شەلپەكوۆ 76,11، پاۆلودار وبلىسىندا نۇرجان نۇرسيپاتوۆ 82,14، سولتۇستىك قازاقستان وبلىسىندا ەرىك سۇلتانوۆ 84,62، وڭتۇستىك قازاقستان وبلىسىندا ءالىمجان كۇرتايەۆ 82,14، استانا قالاسىندا ەدىل مامىتبەكوۆ 92، الماتى قالاسىندا دينار نۇكەتايەۆا 94,12 پروتسەنت سايلاۋشىلاردىڭ داۋىسىن جينادى.

اۆتور: مارلان جيەمباي