ەسىموۆ ەكسپوداعى جاڭا كورسەتكىشتەردى جاريا ەتتى

بۇل تۋرالى بۇگىن تۋريزم جانە بولاشاق ەنەرگياسىنا ارنالعان حالىقارالىق كونفەرەنسيادا «استانا ەكسپو-2017» ۇ ك» ا ق باسقارما ءتوراعاسى احمەتجان ەسىموۆ ءمالىم ەتتى، دەپ حابارلايدى قازاقپارات.

«ەكسپو-2017» كورمەسى اۋماعىنداعى «نۇر الەم» سفەراسى ءوزىنىڭ بىرەگەي ساۋلەتىمەن جانە ىشىندەگى مازمۇندىق كورىنىسىمەن ادامداردى قىزىقتىراتىنىنا توقتالعان ەسىموۆ، سوڭعى كۇندەرى وعان 150 مىڭعا جۋىق ادام بارعانىن جەتكىزدى. ونىڭ سوزىنە قاراعاندا، جالپى ەكسپوعا 400 مىڭ ادام باردى.

«كورمەگە الەمنىڭ كوپتەگەن ەلىندە قىزىعۋشىلىق تانىتتى. بۇل ايتۋلى شاراعا بيلەتتەردى 55 ەلدىڭ ازاماتتارى ساتىپ الدى. وسى رەتتە تۋريستەردىڭ كەلىپ جاتقانىن بايقاۋدامىز. ماۋسىمنىڭ باسىنان بەرى استانا اۋەجايىنا 140 مىڭ شەتەلدىك مەيمان كەلدى، بۇل ءوز كەزەگىندە وتكەن جىلدىڭ سايكەس كەزەڭىمەن سالىستىرعاندا ءۇش ەسەگە ارتىق»، - دەدى باسقارما ءتوراعاسى.

بەلگىلى بولعانداي، كورمەدە ەرىكتىلەر رەتىندە 46 ەلدىڭ وكىلدەرى قىزمەت ەتۋدە. بۇدان بولەك، ا. ەسىموۆ كورمەنى حالىقارالىق دەڭگەيدە ناسيحاتتاۋدا ەلەۋلى جۇمىستار اتقارىلعانىن، وسى رەتتە بۇگىندە 1,5 ميلليارد ادام قامتىلعانىن، ال كورمە سوڭىنا دەيىن بۇل كورسەتكىش 2,5 ميلليارد ادامعا جەتەتىنىن ءسوز ەتتى.

كورمە جايىندا اقپارات حالىقارالىق ءىرى اۋەجايلاردا جانە وزگە دە ماڭىزدى نىسانداردا ورنالاستىرىلۋدا، سونداي-اق Google كومپانياسىمەن ستراتەگيالىق ىنتىماقتاستىق ىسكە اسىرىلىپ، جارنامالار الدىڭعى قاتارلى الەمدىك تەلەارنالاردا كورسەتىلۋدە.

«ەكسپو-2017» كورمەسىنىڭ سالتاناتتى اشىلۋىنان شەتەلدىڭ باقتىڭ 800 دەن استام وكىلى حابار تاراتتى. كوپتەگەن ەلدەردە بۇل شارا تىكەلەي ەفيردە كورسەتىلدى»، - دەدى ول.

ەستەرىڭىزگە سالا كەتەيىك، وتكەن اپتادا احمەتجان ەسىموۆ ەكسپونى كورىپ كەتۋ كورسەتكىشى قانشاعا جەتكەنىن حابارلاعان بولاتىن.

اۆتور: رۋسلان عابباسوۆ