نازاربايەۆ پەن موناكو حانزاداسى ەلەكتروكارمەن ەكسپونى ارالادى - فوتو، كەسكىن
استانا. قازاقپارات - ق ر پرەزيدەنتى نۇرسۇلتان نازاربايەۆ استاناعا كەلگەن موناكو حانزاداسى II البەرتپەن بىرگە وسى ەلدىڭ پاۆيلونىن ارالاپ كوردى.
بۇگىن ەكسپو كورمەسىندە موناكونىڭ ۇلتتىق كۇنى تويلانۋدا، دەپ حابارلايدى قازاقپارات ءتىلشىسى.
تاڭەرتەڭ دالاداعى شاتىردا مەرەكەلىك شارا ۇيىمداستىرىلدى. وعان موناكو حانزاداسى II البەرت مەن سەنات ءتوراعاسى قاسىم-جومارت توقايەۆ قاتىستى.
وسىدان كەيىن دەلەگاتسيالار وسى ەلدىڭ پاۆيلونىنا ءوتتى. سول جەردە بارلىعى جينالىپ، مەملەكەت باسشىسى نۇرسۇلتان نازاربايەۆتى قارسى الدى. وسىدان كەيىن ەكى ەلدىڭ باسشىلارى پاۆيلوندى ارالاپ شىقتى.
نۇرسۇلتان نازاربايەۆ پەن II البەرت ەرىكتىلەرمەن فوتوعا دا ءتۇستى. ايتا كەتكەن ءجون، حانزادامەن بىرگە ونىڭ جۇبايى ستەفاني دە كەلدى. موناكو پاۆيلونىنان كەيىن دەلەگاتسيالار ەلەكتروكارمەن «نۇر-الەمگە» بارىپ، قازاقستاندىق پاۆيلوندى ارالاپ كوردى.
