ەكسپودان كەيىن باسپانانىڭ باعاسى قالاي قۇبىلادى؟
استانا. قازاقپارات - حالىقارالىق ەكسپو كورمەسى اياقتالعاننان كەيىن استانادا جىلجىمايتىن مۇلىك نارىعىندا باعانىڭ قۇلاۋىن كۇتۋدىڭ قاجەتى جوق، دەپ سانايدى قازاقستان قۇرىلىسشىلارى قاۋىمداستىعىنىڭ اتقارۋشى ديرەكتورى مارات ىدىرىشەۆ.
بۇل تۋرالى Sputnik حابارلايدى.
«ەكسپونى وتكىزۋ ادامداردىڭ جىلجىمايتىن مۇلىك ساتىپ الۋلارى ءۇشىن ەڭ الدىمەن جوسىقسىز سالۋشىلارعا ءتيىمدى ماركەتينگتىك امال بولدى. ەكسپودان كەيىن «نۇرلى جەر» باعدارلاماسى جۇزەگە اسىرىلاتىن بولادى. ارينە باعا تۇزەتىلەتىن بولادى، ءبىراق ول تۇبەگەيلى وزگەرمەيدى، ەشكىم تيىنعا باسپانا ساتپايدى»، - دەدى ىدرىشەۆ.
ونىڭ پىكىرىنە، الەۋەتتى ساتىپ الۋشىلاردىڭ ەكسپودان كەيىن باسپانانىڭ باعاسى قۇلايدى دەگەن ءۇمىتى اقتالماعان. «ەكسپو كورمەسى باستالعانعا دەيىن ءوسىم بولعان جوق، سوندىقتان تۇراقتانۋ مەرزىمى قاجەت ەتىلمەيدى»، - دەدى ىدرىشەۆ.
ەلوردا وسە بەرەدى، سۇرانىس قانشالىقتى كوپ بولسا، باعا سونالىقتى جوعارى بولادى، دەپ ءتۇيدى قاۋىمداستىقتا.
