ەلباسى ەكسپوعا كەلگەن مەملەكەت جانە ۇكىمەت باسشىلارىن قارسى الدى - فوتو

استانا. قازاقپارات - ەلباسى نۇرسۇلتان نازاربايەۆ ەكسپو قالاشىعىنداعى قازاقستاندىق پاۆيلوندا مەملەكەت جانە ۇكىمەت باسشىلارىن قارسى الدى، دەپ حابارلايدى قازاقپارات.

ءبىرىنشى بولىپ ەكسپو اۋماعىنا چەحيا رەسپۋبليكاسىنىڭ پرەزيدەنتى ميلوش زەمان كەلدى. سودان كەيىن ن. نازاربايەۆ ەكسپو قالاشىعى اۋماعىنا جەتكەن ليۋكسەمبۋرگ ۇلى گەرتسوگتىگىنىڭ پرەمەر-ءمينيسترى كساۆە بەتتەلدى، قىرعىزستان پرەزيدەنتى المازبەك اتامبايەۆتى، ارمەنيا پرەزيدەنتى سەرج سارگسياندى، وزبەكستان پرەزيدەنتى شاۆكات ميرزيەيەۆتى، سەربيا پرەزيدەنتى الەكساندر ۆۋچيچتى، ءۇندىستان پرەمەر-ءمينيسترى نارەندرا موديدى، ق ح ر ءتوراعاسى شي جينپيڭدى، بەلارۋس پرەزيدەنتى الەكساندر لۋكاشەنكونى، موڭعوليا پرەزيدەنتى تساحياگين ەلبەگدورجدى، تۇرىكمەنستان پرەزيدەنتى گۋربانگۋلى بەردىمۇحامەدوۆتى، پاكىستان پرەمەر-ءمينيسترى ناۆاز شاريفتى، تاجىكستان پرەزيدەنتى ەمومالي راحموندى، يسپانيا كورولى فيليپپ VII، سونداي-اق رەسەي پرەزيدەنتى ۆلاديمير پۋتيندى قارسى الدى.

ولار قازاقستان ەكسپوزيتسيالارىن تاماشالاپ، كورمە اۋماعى مەن قاتىسۋشى ەلدەردىڭ پاۆيلوندارىمەن تانىستى. «ەكسپو-2017» كورمەسىنىڭ رەسمي اشىلۋ ءراسىمى كونگرەسس-ورتالىعىندا وتەدى جانە امفيتەاترداعى كونسەرتتىك باعدارلامامەن جالعاسادى. كونسەرت اياقتالعان سوڭ كورەرمەندەر سفەراداعى پروەكتسيالىق لازەرلى شوۋدى جانە تاڭعاجايىپ وتشاشۋدى تاماشالايدى.

ايتا كەتەيىك، «ەكسپو-2017» ت م د ەلدەرىندە وتەتىن العاشقى كورمە بولماق. 2012-جىلدىڭ 22- قاراشاسىندا پاريج قالاسىندا وتكەن حالىقارالىق كورمەلەر بيۋروسى (ح ك ب) EXPO حالىقارالىق بيۋروسىنىڭ باس اسسامبلەياسىنىڭ 152- سەسسياسىندا قازاقستان ەكسپو كورمەسىن وتكىزۋ قۇقىعىن جەڭىپ الدى.

جاسىرىن داۋىس بەرۋ قورىتىندىسى بويىنشا، استانا 103 داۋىس جيناپ، بەلگيانىڭ لەج قالاسىن باسىپ وزدى. اۋماعى 25 گەكتاردى قۇرايتىن كورمە كەشەنىندە 115 مەملەكەتتىڭ پاۆيلونى ورنالاسقان. ولاردىڭ قاتارىندا ا ق ش، قىتاي،  ۇلى بريتانيا، فرانسيا، گەرمانيا، رەسەي، جاپونيا، وڭتۇستىك كورەيا جانە %100 جاڭارتىلاتىن ەنەرگيا كوزدەرى ەسەبىنەن ءومىر سۇرەتىن العاشقى ەل - كوستا-ريكا بار.

ب ۇ ۇ، ش ى ۇ، ماگاتە، ەسكاتو سىندى 22 حالىقارالىق ۇيىم دا «ەكسپو-2017» كورمەسىنە قاتىساتىندارىن رەسمي تۇردە راستادى. ۇيىمداستىرۋشىلاردىڭ مالىمەتتەرىنە سۇيەنسەك، كورمە وتەتىن ءۇش ايدا استاناعا 2,4 ميلليون ادام كەلەدى. ولاردىڭ 15 پروتسەنتى - شەتەلدىك تۋريستەر.

اۆتور: رۋسلان عابباسوۆ