اقتاۋدا جاڭا «الاتاۋ» كەمەسىندە ق ر ءا ك اسكەري- تەڭىز تۋى كوتەرىلدى
ق ر اسكەري كۇشىنىڭ اسكەري- تەڭىز تۋىن «الاتاۋ» مينالى- ترالدىق كەمەگە تاپسىرۋ ءراسىمى ق ر اسكەري- تەڭىز كۇشتەرىنىڭ باس قولباسشىسى، ۆيتسە- ادميرال جانداربەك جانزاقوۆ پەن ماڭعىستاۋ وبلىسىنىڭ اكىمى ەرالى توعجانوۆتىڭ قاتىسۋىمەن ءوتتى. جالاۋدى كەمە كومانديرى، كاپيتان- لەيتەنانت مۇرات بايمۇقانوۆقا جانداربەك جانزاقوۆ تابىستادى.
«الاتاۋ» مينالى- ترالدىق كەمەسى كاسپي تەڭىزىنىڭ جاعالاۋ بولىگىندەگى اكۆاتوريدى ميناعا قارسى قورعاۋعا ارنالعان. كەمە تاۋلىك بويى ناۆيگاتسيالىق كەزەڭدە جىل بويى پايدالانىلادى، كەمەنىڭ تەڭىزدە ءجۇزۋ قابىلەتى 5 بالعا دەيىن.
باتىس جابدىعىمەن جاراقتالعان كەمە مينانى تولىققاندى ىزدەۋشى بولىپ تابىلادى»، - دەدى ج. جانزاقوۆ.
«بۇگىن ايتۋلى وقيعا - «الاتاۋ» مينا ترالى ماڭعىستاۋ وبلىسىنا كەلدى. كەمەدە كوتەرىلگەن اسكەري- تەڭىز جالاۋى مەملەكەتتىك شەكارانى نىعايتۋعا، ەلىمىزدىڭ قوعامدىق كەلىسىمى مەن تۇراقتى دامۋىنا باعىتتالدى. ماڭعىستاۋ - مەملەكەتىمىزدىڭ بارلىق اسكەري- تەڭىز كۇشتەرى شوعىرلانعان جالعىز وبلىس»، - دەدى «الاتاۋ» كەمەسىنىڭ ەكيپاجىن قۇتتىقتاعان وبلىس اكىمى ەرالى توعجانوۆ.
