ايدوس سارىم ەلىمىزدىڭ ەڭ ىقپالدى ساياسي ساراپتاۋشىلاردىڭ رەيتىنگىندە كوش باستادى

استانا. قازاقپارات - «اپتا» ساراپتامالىق ورتالىعى اقپارات قۇرالدارى ارقىلى باسپا ءسوز بەتتەرىندە الەۋمەتتىك جەلىلەردە ءجيى ساراپتامالىق ويلارىمەن ءبولىسىپ، قوعامدىق پىكىردىڭ قالىپتاسۋىنا اتسالىسىپ جۇرگەن مامانداردىڭ رەيتينگىن جاسادى.

«بۇگىندە ەلدە بولىپ جاتقان وقيعالارعا سارابدال پىكىرىن ءبىلدىرىپ وتىراتىن ءوز سالاسىنا جەتىك كاسىبي ساراپشىلاردىڭ قوعامدىق پىكىر قالىپتاستىرۋداعى ىقپالى كەيبىر باسىلىمداردان باسىم تۇر»، - دەلىنگەن رەيتينگ سيپاتتاماسىندا.

ارنايى رەيتينگتىڭ ونىنشى ورنى بەلگىلى قارجىگەر ايدان كارىبجانوۆتىڭ ەنشىسىندە. توعىزىنشى ورىن جۋىردا عانا «ساكرالدى قازاقستان» عىلىمي- زەرتتەۋ ورتالىعى باسشىلىعىنا كەلگەن بەلگىلى ساياساتتانۋشى بەرىك ءابدىعالي ۇلىنا بۇيىردى.

اقپارات قۇرالدارى ارقىلى دا، الەۋمەتتىك جەلىدەگى پاراقشاسى ارقىلى دا ەلىمىزدىڭ دامۋ ۇدەرىسى، قوعامدىق- ساياسي جۇيەلەردىڭ جەتىلۋىنە قاتىستى تۇشىمدى پىكىرلەرىن تۇراقتى ءبىلدىرىپ تۇراتىن جانە ءبىر سالماقتى ساياساتتانۋشىمىز ەرلان سايىروۆ.

تەك ساراپتاما- بولجام جاساپ قانا قويماي، قوعامدىق جۇمىستارعا ۇيىتقى بولۋ ارقىلى دا جاڭا باستامالاردىڭ جانىندا جۇرەتىن ازامات سەگىزىنشى ورىنعا تۇراقتادى. ۇلتتىق تۇيتكىلدەر مەن جاھاندىق گەوستراتەگيالىق ماسەلەلەردىڭ مايەگىنە جەتىك ساراپشى - راسۋل جۇمالى.

قوعامدىق پىكىر قالىپتاستىرۋدا وزىندىك قولتاڭباسى بار ساياساتتانۋشى جەتىنشى ورىنعا جايعاستى. وتاندىق ساياساتتانۋ سالاسىنداعى ساليقالى ەسىمدەردىڭ ءبىرى گۇلميرا يلەۋوۆاعا التىنشى ورىن ءتيدى. ساياسي وزگەرىستەر مەن دەموكراتيالىق قۇندىلىقتارعا قاتىستى قارىمدى پىكىرلەرىمەن كوزگە ءتۇسىپ جۇرگەن مارات شيبۇتوۆقا رەيتينگتەن بەسىنشى ورىن بۇيىردى. قازاقستان ەكونوميكاسىنىڭ الەۋەتى مەن دامۋ بارىسىن جەتىك بىلەتىن جاس تا بولسا ازۋلى ساراپشى ولجاس قۇدايبەرگەنوۆ ءتورتىنشى ورىنعا تۇراقتادى.

ساراپشىلاردىڭ ىشىندە ەلدەگى ەكونوميكالىق احۋالدىڭ بۇگە-شۇگەسىن جەتىك بىلەتىن ساناۋلىلاردىڭ ءبىرى - راقىم وشاقبايەۆ. سالادا بولىپ جاتقان وقيعالارعا بەيجاي قاراي المايتىن، تۇراقتى تۇردە تەرەڭ تالداۋلارىمەن تامساندىرىپ كەلە جاتقان مامانعا ءۇشىنشى ورىن بۇيىردى. ال، ساياساتتانۋ سالاسىندا بىلگىرلەردىڭ بىرەگەيى دوسىم ساتبايەۆ بولسا ەكىنشى ورىندى يەلەندى. بەلگىلى ساياساتتانۋشى ايدوس سارىم رەيتينگتىڭ تورىنە جايعاستى. الاششىل ازامات ۇلتتىق ماسەلەدەن باستاپ، قازاقتىڭ قامىنا قاتىستى قوعامدىق دۇنيەلەردى دەر كەزىندە تەرەڭ قوزعاپ، ساراپتاپ بەرىپ، ءوز پىكىرىن ۇنەمى ءبىلدىرىپ وتىرادى.