قانداي جاعدايدا زەينەتاقى جيناعىن الدىن الا شەشىپ الۋعا بولاتىنى ءمالىم بولدى

الماتى. قازاقپارات - زەينەتاقى جيناعىن باسپانا الۋ، وقۋ اقىسىن تولەۋ ماقساتىندا الدىن الا شەشىپ الۋ ماسەلەسى ءالى تالقىلانىپ جاتىر.

 بۇل تۋرالى بۇگىن الماتىدا وتكەن ب ج ز ق باسشىلارىنىڭ بريفينگىندە ءمالىم بولدى.

 «مۇنداي تاجىريبەگە تالداۋ جاساپ جاتىرمىز. وزگە ەلدەردىڭ تاجىريبەلەرى ەسكەرىلىپ جاتىر. بولا قالعان جاعدايدا دا اقشا ادامداردىڭ وزىنە ەمەس، مەديتسينالىق مەكەمەلەردىڭ شوتىنا، بانكتەرگە تولەنۋى مۇمكىن»، - دەدى باسقارما ءتورايىمى ساۋلە ەگەۋبايەۆا.

ونىڭ ايتۋىنشا، اقشا بولاشاقتا زەينەتاقى الۋعا مۇمكىندىك بەرەتىن سومادان ارتىق بولعان جاعدايدا عانا بەرىلۋى ءتيىس.

 «ەر ادامدار ءۇشىن بۇل سوما - 8 ميلليون تەڭگە، ايەل ادامدار ءۇشىن 9 ميلليون تەڭگە»، - دەدى س. ەگەۋبايەۆا.

ايتا كەتۋ كەرەك، زەينەتاقى جيناعىن وقۋ، باسپانا الۋ ماقساتىندا الدىن الا الۋ تۋرالى ۇسىنىس قوعامدا قىزۋ تالقىلانعان بولاتىن. ال بانكيرلەر مەن دەپۋتاتتار اتالعان جۇيەنى تەرەڭ زەرتتەپ بارىپ كىرىسۋ كەرەكتىگىن ايتقان ەدى.

 اۆتور: گۇلميرا عوسمانالي