وڭتۇستىك كورەيالىقتار پاۆلوداردا دياگنوستيكالىق ورتالىق سالۋدى كوزدەپ وتىر
وبلىس باسشىلارىمەن كەزدەسپەس بۇرىن شەتەلدىكتەر پاۆلودار قالالىق ەمحانالار مەن ايماقتىق دياگنوستيكالىق ورتالىقتى ارالاعان. بۇدان كەيىن وڭتۇستىك كورەيالىق قوناقتار پاۆلودار وڭىرىندە دياگنوستيكانى دامىتۋ كەرەك دەگەن ويعا كەلگەن.
- مەنىڭشە، ت م د- نىڭ باسقا مەملەكەتتەرى سەكىلدى قازاقستاندا دا دياگنوستيكانى دامىتۋ كەرەك، - دەدى ايماق باسشىسى بولات باقاۋوۆپەن بولعان كەزدەسۋدە پۋسان قالاسىنداعى «گۋد گانگ-ان» اۋرۋحاناسىنىڭ باسقارۋشى ديرەكتورى سو ۋ ەنگ.
وڭتۇستىك كورەيالىق ماماندار پاۆلوداردا زاماناۋي دياگنوستيكالىق ورتالىق سالا الاتىندارىن سوزگە تيەك ەتتى. ءوز كەزەگىندە جەرگىلىكتى بيلىك وكىلدەرى ينۆەستورلارعا ايماق تۇرعىندارىنىڭ باسقا مەملەكەتكە شىقپاي، ءوز ەلدەرىندە ەم الۋ ءۇشىن بارىنشا كومەك بەرىپ، مەملەكەتتىك تاپسىرىسپەن قول ۇشىن سوزۋعا دايىن ەكەندەرىن جەتكىزدى.
- ءبىز سىزدەردى ءوزارا سەرىكتەستىككە شاقىرامىز، - دەدى پاۆلودار وبلىسىنىڭ اكىمى بولات باقاۋوۆ.
- ينۆەستورلارعا مەملەكەت تاراپىنان كومەك بەرۋ - ەلباسىمىزدىڭ الدىنا قويعان ەڭ نەگىزگى ماقساتتارىنىڭ ءبىرى. مەديتسينا تاقىرىبى ءبىز ءۇشىن وزەكتى تاقىرىپ، ال، تۇرعىنداردىڭ دەنساۋلىعى ءبىز ءۇشىن وتە ماڭىزدى. سوندىقتان، بارىنشا كومەك بەرىپ، قولداۋ كورسەتۋگە دايىنبىز».
