نۇرسۇلتان نازاربايەۆ ساۋد-ارابياسىندا دونالد ترامپپەن اڭگىمەلەستى

 استانا. قازاقپارات - قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ ساۋد-ارابياسىندا «ا ق ش - يسلام الەمى» سامميتى اياسىندا ءبىرقاتار مەملەكەتتەردىڭ باسشىلارىمەن جانە دەلەگاتسيا جەتەكشىلەرىمەن كەلىسسوزدەر جۇرگىزدى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى «ا ق ش - يسلام الەمى» سامميتى اياسىندا ءبىرقاتار مەملەكەتتەردىڭ باسشىلارىمەن جانە دەلەگاتسيا جەتەكشىلەرىمەن قىسقا كەلىسسوزدەر وتكىزدى.

اتاپ ايتقاندا، نۇرسۇلتان نازاربايەۆ ا ق ش پرەزيدەنتى دونالد ترامپپەن اڭگىمەلەستى. اڭگىمە بارىسىندا ەكىجاقتى ءوزارا ءىس-قيمىلدىڭ نەگىزگى باعىتتارى، سونىڭ ىشىندە ساۋدا-ەكونوميكالىق، ساياسي جانە مادەني-گۋمانيتارلىق سالالارداعى بايلانىستاردى تەرەڭدەتۋ پەرسپەكتيۆاسى تالقىلاندى.

ەكى ەل پرەزيدەنتتەرى كۇن تارتىبىندەگى حالىقارالىق ماسەلەلەر جونىندە دە پىكىر الماستى. سونىمەن قاتار، قازاقستان پرەزيدەنتى مەملەكەتارالىق ىنتىماقتاستىقتىڭ ءتۇرلى ماسەلەلەرى جونىندە كۋۆەيت مەملەكەتىنىڭ ءامىرى ساباح ءال-احماد ءال-دجابەر اس-ساباحپەن، كاتار ءامىرى شەيح تاميم بەن حاماد ءال تانيمەن، باحرەين كورولى حاماد بەن يسا ءال حاليفامەن، ابۋ-ءدابيدىڭ تاق مۇراگەرى، بىرىككەن اراب امىرلىكتەرى قارۋلى كۇشتەرى جوعارعى باس قولباسشىسىنىڭ ورىنباسارى، شەيح مۇحاممەد بەن زايد ءال ناحايانمەن، يەمەننىڭ پرەزيدەنتى ا. سالەحپەن، ماۆريتانيا پرەزيدەنتى موحاممەد ۋلد ابدەل-ازيزبەن، پاكىستاننىڭ پرەمەر-ءمينيسترى ن. شاريفپەن پىكىرلەستى.

نۇرسۇلتان نازاربايەۆ يسلام ىنتىماقتاستىق ۇيىمىنىڭ باس حاتشىسى يۋسەف بەن احمەد ءال-ۋسايمينمەن ءوزارا ءىس-قيمىلدىڭ كەيبىر اسپەكتىلەرىن تالقىلادى.