16:43, 20 - مامىر 2017 | GMT +5
يرانداعى پرەزيدەنت سايلاۋىندا حاسان رۋحاني جەڭىسكە جەتتى
استانا. قازاقپارات - يرانداعى پرەزيدەنت سايلاۋىندا قازىرگى مەملەكەت باسشىسى سايلاۋشىلاردىڭ %59 داۋىسىن جيناپ، جەڭىسكە جەتتى.
يران ءى ءى م- ءىنىڭ الدىن الا مالىمەتتەرى بويىنشا، رۋحاني 22 ميلليون 800 مىڭ سايلاۋشىلاردىڭ قولداۋىنا يە بولعان. ال ونىڭ باستى قارسىلاسى - ەبراحيم رايسي - %39 عا جۋىق داۋىس جينادى ( 15 ميلليون 452 مىڭ ادام داۋىس بەرگەن).
پرەزيدەنت سايلاۋىنا 40 ميلليون يراندىق قاتىسىپ، داۋىس بەرۋشىلەر سانى %70 قۇرايدى. زاڭناماعا سايكەس، ءبىرىنشى اينالىمدا %50 دان جوعارى داۋىس جيناعان ۇمىتكەر جەڭىمپاز اتانادى. حاسان رۋحاني 68 جاستا. ول ەلدەگى ليبەرالدىق رەفورمالاردى قولداپ، وزگە ەلدەرمەن بايلانىستى جاقسارتۋعا ۋادە بەرىپ وتىر.
