توقايەۆ: الپاۋىت دەرجاۆالاردىڭ گەوساياسي تالاس- تارتىسى ءالى دە ءورشىپ تۇر

استانا. قازاقپارات - سيريا مەن ۋكرايناداعى جاعداي الپاۋىت دەرجاۆالاردىڭ گەوساياسي تالاس- تارتىسى ءالى دە ءورشىپ تۇرعانىن كورسەتتى.
None
None

 بۇل تۋرالى بۇگىن الەمدىك جانە ءداستۇرلى دىندەر كوشباسشىلارى سەزى حاتشىلىعىنىڭ XVI وتىرىسىندا ق ر پارلامەنتى سەناتىنىڭ ءتوراعاسى قاسىم- جومارت توقايەۆ ءمالىم ەتتى، دەپ حابارلايدى قازاقپارات.

«سيريا مەن ۋكرايناداعى جۋىردا ورىن العان جاعداي الپاۋىت دەرجاۆالاردىڭ گەوساياسي تالاس- تارتىسى ءالى دە بولسا ءورشىپ تۇرعانىن كورسەتىپ وتىر. بىرلىك بولماعاندىقتان حالىقارالىق تەرروريزممەن كۇرەسۋ دە قيىنعا سوعۋدا. ال ونىڭ وشاقتارى جەر شارىنىڭ ءار جەرىنەن بەلەڭ الىپ كەلەدى. سولتۇستىك كورەيانىڭ يادرولىق سىناقتارعا جاپپاي تىيىم سالۋ تۋرالى شارت رەجىمىن بۇزۋى يادرولىق اپاتتىڭ ءبىرىنشى قاتەرىنە اينالدى»، - دەدى توقايەۆ.

 سەنات سپيكەرىنىڭ ايتۋىنشا، كوپتەگەن ەلدەردە الەمدىك ءتارتىپتى قۇلدىراتۋ، كسەنوفوبيانى ءورشىتۋ، ەتنوستىق جانە ءدىني بەلگىلەر بويىنشا كەمسىتۋ قاۋىپىنە ۇشىراتاتىن پوپۋليزمگە ۇمتىلۋ ءۇردىسى شەگىنە جەتىپ تۇر.

«جەر بەتىندەگى وركەنيەتتىڭ بارلىق جەتىستىكتەرىن جوق قىلا الاتىن جاھاندىق ەكونوميكالىق، الەۋمەتتىك جانە ەكولوگيالىق پروبلەمالار دا جەر شارىنىڭ قاۋىپسىز بولاشاعىنا قاتەر توندىرۋدە. قوعامدا تىرشىلىك ەتۋدىڭ رۋحاني ءمانى بۇزىلىپ، ادامگەرشىلىك نەگىزدەرىنىڭ جويىلىپ بارا جاتۋى دا اسا قاۋىپتى قۇبىلىس. بۇل جاھاندىق سىن قاتەرلەردى بارشا ادامزاتتىڭ قوعامداسقان كۇش- جىگەرىمەن عانا ەڭسەرۋگە بولادى»، دەدى ول.

 اۆتور: مارلان جيەمباي

سوڭعى جاڭالىقتار