شي جينپيڭ قازاقستاندى ترانسقۇرلىقتىق ترانزيتتىك تاسىمالداۋدىڭ «چەمپيونى» دەپ اتادى
نۇرسۇلتان نازاربايەۆ سويلەگەن سوزىندە قازاقستاننىڭ قۇرلىق ەلدەرى اراسىنداعى تاتۋ كورشىلىك قاتىناستاردى نىعايتۋدى بەلسەندى تۇردە جاقتايتىنىن جانە قىتايدىڭ ترانسوڭىرلىك كووپەراتسيانى دامىتۋ جونىندەگى تالپىنىسىن قولدايتىنىن اتاپ ءوتتى.
قازاقستان پرەزيدەنتى بۇگىنگى تاڭدا «نۇرلى جول» جانە جىبەك جولى ەكونوميكالىق بەلدەۋى باعدارلامالارىن ۇشتاستىرۋ جوسپارى اياسىندا قازاقستان مەن قىتايدىڭ يندۋستريالاندىرۋ سالاسىنداعى ىنتىماقتاستىعىن ۇيلەستىرۋ ءىسى باستالىپ كەتكەنىن ايتتى.
قىتاي حالىق رەسپۋبليكاسىنىڭ ءتوراعاسى شي جينپيڭ نۇرسۇلتان نازاربايەۆتىڭ سويلەگەن ءسوزىن جوعارى باعالاپ، قازاقستاندى ترانسقۇرلىقتىق ترانزيتتىك تاسىمالداۋدىڭ «چەمپيونى» دەپ اتادى.
سوڭىندا مەملەكەت باسشىسى وسىنداي كەزدەسۋلەردى جوعارى دەڭگەيدە وتكىزۋدىڭ ماڭىزدىلىعىنا نازار اۋدارىپ، فورۋمدى ۇيىمداستىرعانى ءۇشىن شي جينپيڭگە العىس ايتتى.
