الەۋمەتتىك مەديتسينالىق ساقتاندىرۋ جارنالارىنىڭ مولشەرى ناقتىلاندى

استانا. قازاقپارات - پارلامەنت ءماجىلىسىنىڭ جالپى وتىرىسىندا پالاتا دەپۋتاتتارى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ءبىرىنشى وقىلىمدا ماقۇلدادى، دەپ حابارلايدى قازاقپارات.

 «مىندەتتى الەۋمەتتىك مەديتسينالىق ساقتاندىرۋ بويىنشا زاڭ جوباسىمەن مولشەرلەمەلەردى جانە اۋدارىمدار مەن جارنالاردى ەسەپتەۋ نىساندارىن وزگەرتۋ، سونداي- اق تولەۋشىلەردىڭ جاڭا ساناتتارىن، ولار ءۇشىن جارنالاردى مەملەكەت جۇزەگە اسىراتىن جاڭا ادامداردىڭ ساناتتارىن ەنگىزۋ، الەۋمەتتىك مەديتسينالىق ساقتاندىرۋ قورىنىڭ جۇمىسىن ۇيىمداستىرۋ جانە مىندەتتى الەۋمەتتىك ساقتاندىرۋ مەن تەگىن مەديتسينالىق كومەكتىڭ كەپىلدىك بەرىلگەن كولەمى جۇيەسىندە ءدارى- دارمەكپەن قامتاماسىز ەتۋ ماسەلەلەرى تۇرعىسىندا تۇزەتۋلەر قاراستىرىلىپ وتىر»، - دەدى ق ر دەنساۋلىق ساقتاۋ ءمينيسترى ەلجان ءبىرتانوۆ زاڭ جوباسى بويىنشا بايانداماسىندا.

ونىڭ سوزىنە قاراعاندا، ەلدەگى ماكرو ەكونوميكالىق جاعدايعا بايلانىستى، سونىمەن بىرگە جۇمىس بەرۋشىلەرگە تۇسەتىن جۇكتەمەنى تومەندەتۋ ماقساتىندا ۇلتتىق ەكونوميكا مينيسترلىگى جۇمىس بەرۋشىلەردىڭ اۋدارىمدارىنىڭ دەڭگەيىن تومەندەتۋ، جەكە كاسىپكەر جارنالارىنىڭ مولشەرىن بەكىتۋ ۇسىنىستارىن ەنگىزگەن بولاتىن.

 «مەملەكەتتىڭ قورعا تولەۋگە جاتاتىن مىندەتتى الەۋمەتتىك مەديتسينالىق ساقتاندىرۋ جارنالارى مولشەرى 2018 -جىلدىڭ 1- قاڭتارىنان 3,75 پايىز دەڭگەيىندە ۇسىنىلادى. جۇمىس بەرۋشىلەردىڭ ساقتاندىرۋ اۋدارىمدارى 2017 -جىلعى 1 - شىلدەدەن باستاپ 1 پايىز، ال 2018 -جىلعى 1- قاڭتاردان 1,5 پايىز بولۋى ەسكەرىلگەن. ءوزىن- ءوزى جۇمىسپەن قامتىعان حالىقتىڭ جارنالارى ەڭ تومەنگى ەكى جالاقىدان 5 پايىزدى قۇرايدى»، - دەدى مينيستر.

مەديتسينالىق كومەكتىڭ قولجەتىمدىلىگىن قامتاماسىز ەتۋ ماقساتىندا جارنالاردىڭ مەملەكەت تولەيتىن ادامدار ساناتىندا 4 جاڭا ساناتتى قوسۋ ۇسىنىلادى. وسى ورايدا جۇمىس ىستەمەيتىن 18 جاسقا دەيىن مۇگەدەك بالاعا كۇتىمدى جۇزەگە اسىراتىن ازاماتتار، جۇمىس ىستەمەيتىن ورالماندار، قازاقستان اۋماعىندا تۇراقتى تۇراتىن شەتەلدىكتەر مەن ازاماتتىعى جوق ادامدار، ءۇش ايدىڭ ىشىندە ورتا تەحنيكالىق جانە كاسىپتىك ورتا بىلىمنەن كەيىنگى جوعارى ءبىلىم بەرۋ، سونداي- اق جوعارى بىلىمنەن كەيىن ءبىلىم بەرۋ ۇيىمدارىندا وقۋدى اياقتاعان ادامدار قامتىلىپ وتىر.

 بەلگىلى بولعانداي، اۋدارىمدار جانە جارنالار تولەنبەگەن جاعدايدا م ە م س جۇيەسىندەگى مەديتسينالىق كومەككە ازاماتتاردىڭ قۇقىعى بويىنشا نورما ناقتىلانادى.

 بۇدان باسقا، ۋاكىلەتتى ورگان مەن قازاقستان رەسپۋبليكاسى ۇكىمەتىنىڭ قوردىڭ كۇتىلمەگەن شىعىستاردى جابۋعا ارنالعان رەزەرۆىن قالىپتاستىرۋ مەن پايدالانۋ جانە ولاردى بەكىتۋ ءتارتىبىن ازىرلەۋ بولىگىندەگى قۇزىرەتى تولىقتىرىلادى. سونىمەن قاتار اسكەري قىزمەتشىلەرگە، قۇقىق قورعاۋ ورگاندارى مەن ارناۋلى مەملەكەتتىك ورگانداردىڭ قىزمەتكەرلەرىنە جانە ولاردىڭ وتباسى مۇشەلەرىنە مەديتسينالىق كومەك كورسەتۋ تەتىگى رەتكە كەلتىرىلدى.

اۆتور: رۋسلان عابباسوۆ