ساقالدىلار مەن قىسقا بالاقتىلار بوتەن ەلدىڭ وكىلدەرى سياقتى - مينيستر ەرمەكبايەۆ
الايدا بولاشاقتا ناقتى ءبىر شەشىمنىڭ قابىلداناتىنىنا سەنىم ءبىلدىردى، دەپ حابارلايدى قازاقپارات ءتىلشىسى.
«ەلباسى قازاقستان مۇسىلماندارى ءدىني باسقارماسىنىڭ وكىلدەرىمەن كەزدەسكەندە انىق ايتتى، ساقال، قىسقا بالاق پەن قارا ورامال - ول كەز كەلگەن كيىم ەمەس. مەملەكەت باسشىسى ايتقانداي، بىزدە كيىم تىگۋگە بوستاندىق بار، ول بوستاندىققا ءاربىر ازامات يە. سونىمەن قاتار، ادەيىلەپ تۇرىپ، ءدىني سيپاتتاعى كيىم كيىپ، وزدەرىن قوعامنان وقشاۋ ۇستاۋعا تىرىسىپ جۇرگەندەر اراسىندا الدىمەن ءتۇسىندىرۋ جۇمىستارىن جۇرگىزۋ كەرەك. ويتكەنى ولار بىزگە، قازاقستان حالقىنا، قازاق حالقىنا دا جات كيىمدەردى كيىپ، قازاق حالقىنىڭ وكىلدەرى ەمەس، بوتەن ەلدەردىڭ وكىلدەرى سياقتى كورىنەدى. وزدەرىڭىز جاقسى بىلەسىزدەر، باسقا ەلدەردە، مىسالى تاياۋ شىعىستا جەرگىلىكتى ازاماتتارعا دا، باسقا جاقتان كەلەتىن تۋريستەرگە دە كيىم جاعىنان ءبىرقاتار تالاپتار قويىلادى. ال ءبىز ءوزىمىزدىڭ قازاق حالقىنا ءتان كيىمدەرىمىزدى جانە قازىرگى زاماناۋي كيىمدەردى كيىپ جۇرەمىز. سوندىقتان بۇل ماسەلە وتە وزەكتى ءارى نازىك. سوندىقتان ونى جان- جاقتى زەرتتەپ، ساليقالى ءبىر شەشىمگە كەلەمىز دەپ ويلايمىن»، - دەدى ەرمەكبايەۆ ۇكىمەت وتىرىسىنان كەيىن وتكەن باسپا ءسوز ءماسليحاتىندا.
ايتا كەتەيىك، ۇكىمەتتىڭ بۇگىنگى وتىرىسىندا ءدىن سالاسىنداعى مەملەكەتتىك ساياساتتىڭ تۇجىرىمداماسى تانىستىرىلدى.
اۆتور: ارمان اسقاروۆ
