13:48, 16 - ناۋرىز 2017 | GMT +5
دانيار اقىشەۆ: ماعان جۇمىس جاساۋعا ەشكىم كەدەرگى كەلتىرگەن جوق
الماتى. قازاقپارات - ق ر ۇلتتىق بانكىنىڭ ءتوراعاسى دانيار اقىشەۆ ءمالىم ەتكەندەي، ونىڭ جۇمىس جاساۋىنا ەشكىم كەدەرگى كەلتىرمەگەن، دەپ حابارلايدى «قازاقپارات» ح ا ا ءتىلشىسى.
الماتىداعى باسپا ءسوز ءماسليحاتى كەزىندە جۋرناليستەر ۇكىمەتتىڭ كەڭەيتىلگەن وتىرىسىندا پرەزيدەنت نۇرسۇلتان نازاربايەۆتىڭ دانيار اقىشەۆتى ەشكىمنەن قورىقپاۋعا شاقىرعانىن ەسكە سالدى.
وسىعان وراي، ۇلتتىق بانكتىڭ باسشىسىنا وعان كىمنىڭ كەدەرگى كەلتىرگەنى تۋرالى سۇراق قويىلدى.
«جوق، جۇمىس جاساۋعا ەشكىم كەدەرگى كەلتىرگەن جوق. بانك جۇمىسىنىڭ ناتيجەسى - بىلىكتىلىگى جوعارى مامانداردىڭ قاجىرلى ەڭبەگىنىڭ جەمىسى. ءبىز ءوز جۇمىسىمىزدى ادال ءارى دۇرىس اتقارۋدامىز. ەكونوميكالىق ۇدەرىس جاعدايىندا بارلىعى ويداعىداي بولا بەرمەيدى»، - دەپ جاۋاپ بەردى اقىشەۆ.
ەسكە سالا كەتەيىك، 3- اقپان كۇنى وتكەن وتىرىستا ق ر پرەزيدەنتى نۇرسۇلتان نازاربايەۆ ۇلتتىق بانكتىڭ ىسىنە ارالاسقانداردى جازالاۋ كەرەكتىگىن اتاپ وتكەن ەدى.
