قازاقستاندا باسپاناعا مۇقتاجدارعا جاس بويىنشا شەكتى دەڭگەيدى جوعارىلاتۋ ۇسىنىلدى
«وتباسىلار ءۇشىن وزەكتى ماسەلەلەردىڭ ءبىرى باسپانا ەكەنى بەلگىلى. حالىقپەن كەزدەسۋ بارىسىندا وتىنىمدەردىڭ اۋقىمدى كولەمى ءدال وسى تاقىرىپتا بولدى. بۇگىندە ەلىمىزدە وڭىرلەردى دامىتۋدىڭ 2020 -جىلعا دەيىنگى باعدارلاماسى جۇزەگە اسىرىلۋدا. وندا قولجەتىمدى باسپانانى بىرنەشە باعىتتار بويىنشا سالۋ قاراستىرىلعان»، - دەپ توقتالدى دەپۋتات.
الايدا، باسپانا الۋعا ءۇمىتتى وتباسىلارعا باعدارلامالار اياسىندا ازاماتتاردىڭ جاسى بويىنشا ءتيىستى تالاپتار قويىلىپ وتىرعانى بەلگىلى. ءبىر ساناتتا ەرلى- زايىپتىلاردىڭ بالاسى بولۋى ءتيىس جانە نەكەدە ءۇش جىلدان كەم بولماۋى كەرەك، سونداي- اق ولاردىڭ جاسى 35-كە جەتپەۋى قاجەتتىگى ەسكەرىلگەن. كەلەسى وسى «جاس وتباسى» ساناتىندا ەرلى- زايىپتىلاردىڭ جاسى 29-دان اسپاۋ كەرەكتىگى كورسەتىلگەن.
وسى ورايدا كالەتايەۆ تۇرعىن ۇيگە مۇقتاج وتباسىلار ءۇشىن جاس ارالىعى بويىنشا قويىلاتىن شەكتى دەڭگەيدى جوعارىلاتۋ ماڭىزدى ەكەنىن اتاپ ءوتتى.
«قۇرمەتتى باقىتجان ءابدىر ۇلى (ق ر پرەمەر- ءمينيسترى) ، جوعارىدا اتالعان ءبىر ساناتتاعى جاس بويىنشا بەلگىلەنگەن شەكتى 35-تەن 39 جاسقا دەيىن، ال «جاس وتباسى» ساناتىندا 29-دان 35-كە دەيىن جوعارىلاتۋ ماسەلەسىن قاراستىرۋدى سۇرايمىن»، - دەدى دەپۋتات.
اۆتور: رۋسلان عابباسوۆ
