13:09, 20 - اقپان 2017 | GMT +5
بايبەك الماتىلىقتاردىڭ تاماقتانۋى مەن ءومىر سالتىنا قاتىستى سىن ايتتى
الماتى. قازاقپارات - 2016 -جىلعى الماتى قالاسىنىڭ الەۋمەتتىك- ەكونوميكالىق دامۋىن قورىتىندىلاۋ جيىنىندا قالا اكىمى باۋىرجان بايبەك الماتىلىقتاردىڭ دەنساۋلىعىنا الاڭداۋشىلىق ءبىلدىردى، دەپ حابارلايدى قازاقپارات ءتىلشىسى.
«ادامدار سپورتپەن شۇعىلدانبايدى. «شىمبۇلاق - قىمبات» دەيدى. 1500 تەڭگەگە سىرا ساتىپ العاندا ونى قىمباتسىنبايدى. كەشكە بارلىعى (مەيرامحانا، كوڭىل كوتەرۋ ورىندارى - رەد) بوس ەمەس، ال شىمبۇلاقتا دەمالۋعا اقشانى ايايمىز. بۇل سالتتى وزگەرتۋ كەرەك. سپورتقا، ءوز دەنساۋلىعىمىزعا سالايىق. جۇما، جەكسەنبى سايىن قوناققا بارامىز، مايلى تاماقتاردى جەپ، ىشىمدىكتەن الىپ، ونىمەن قويماي، ۇستىنەن ىستىق شاي ىشەمىز. اسقازان جاراسى قالاي پايدا بولماسىن...»، - دەدى اكىم.
اۆتور: الماس مۇقاش ۇلى
