كەلەر جىلى قازاقستاندا الەۋمەتتىك كومەك كورسەتۋدىڭ جاڭا ەرەجەلەرى ەنگىزىلەدى
ونىڭ سوزىنە قاراعاندا، اتالعان تولەمدەر وتباسىنىڭ بارلىق مۇشەلەرىنە تولەنەتىن بولادى.
«وتباسىنداعى ءاربىر ادامعا ەڭ تومەنگى كۇنكورىس دەڭگەيىنىڭ 60 پايىزىنا تەڭ كەلەتىن تولەم جاسالادى. بىلتىر بىزدە ەڭ تومەنگى كۇنكورىس دەڭگەيى 22 مىڭ تەڭگە كولەمىندە بولدى، ونىڭ 60 پايىزى شامامەن ادام باسىنا 13 مىڭ تەڭگە بولادى. سوندا وتباسىندا بەس ادام بولسا، 65 مىڭ تەڭگە شىعادى»، - دەدى جاقىپوۆا.
دەگەنمەن ەگەر وتباسىنداعى ادامداردىڭ ءبىرى ۇسىنىلعان جۇمىستان باس تارتاتىن بولسا، بۇل تولەمدەر وتباسىنداعى ەڭبەككە قابىلەتتى ادامدارعا بەرىلەتىن الەۋمەتتىك كومەك كولەمى 50 پايىزعا دەيىن تومەندەتىلەدى. ەكىنشى مارتە قايتالانسا، تولەمدەر توقتاتىلادى. ءبىراق بالالارعا تاعايىندالعان قاراجات تولەنە بەرەدى.
ونىڭ ايتۋىنشا، وتباسى ىشىندە ەڭبەككە جارامدى مۇشەلەردىڭ بولماعان جاعدايدا قارجىلاي الەۋمەتتىك كومەك ەشقانداي شارتسىز- اق تولەنە بەرەدى. ولارعا جۇمىسقا ورنالاسۋ تالاپتارى قويىلمايدى.
ال ەگەر جانۇيادا كەمىندە ءبىر ادام ەڭبەككە قابىلەتتى بولسا، وعان جۇمىسپەن قامتۋ شارالارىنا قاتىستى تالاپتاردى ورىنداۋ قاجەت بولادى.
الەۋمەتتىك كەلىسىمشارت جاساعان كەزدە، تاراپتار وزدەرىنە ءبىرقاتار جاۋاپكەرشىلىكتەر الادى. الەۋمەتتىك قىزمەت ولاردى جۇمىسپەن قامتۋعا اتسالىسادى. ال وتباسىنداعى ەڭبەككە جارامدى جاندار وعان ەرىكتى تۇردە ءوز تاراپىنان ۇلەس قوسۋلارى ءتيىس. ادامعا قارجىلاي كومەك قانا ەمەس، جۇمىسقا ورنالاسۋعا كومەك جاسالادى. جۇمىس تابىلماسا، مەملەكەت ەسەبىنەن قوسىمشا ماماندىقتارعا وقىتىلادى جانە ءبىلىمى جەتىلدىرىلەدى.
اۆتور: جاسۇلان جولدىبايەۆ
