08:28, 08 - اقپان 2017 | GMT +6
قازاقستان باسقارۋدىڭ پارلامەنتتىك جۇيەسىنە كوشۋى مۇمكىن - پولياك ساراپشىسى
استانا. قازاقپارات - قازاقستان پرەزيدەنتى نۇرسۇلتان نازاربايەۆتىڭ بيلىك تارماقتارى اراسىنداعى وكىلەتتىكتەردى قايتا ءبولۋ ماسەلەلەرى جونىندەگى ۇندەۋى باسقارۋدىڭ پارلامەنتتىك جۇيەسىنە كوشۋگە ۇمتىلىستان تۋىنداۋى مۇمكىن.
مۇنداي پىكىردى پولشا رەسپۋبليكاسىنىڭ سەناتورى كازيمەج كلەينا ءبىلدىردى، دەپ حابارلايدى قازاقپارات.
«قازاقستان تاۋەلسىزدىگىنىڭ، سونىمەن قاتار كونستيتۋتسيادا بەكىتىلگەن باسقارۋدىڭ پرەزيدەنتتىك جۇيەسى قىزمەتىنىڭ 25 جىلدىعى تۇرعىسىنان الىپ قاراعاندا بۇل پرەزيدەنت نۇرسۇلتان نازاربايەۆتىڭ، وزگە دە قازاقستاندىق ساياساتتانۋشىلاردىڭ جاريا ءسوز سويلەۋلەرىندە بىرنەشە مارتە قوزعالعان. دەگەنمەن، قازىرگى ۋاقىتتا مۇنداي شەشىمنىڭ قابىلدانۋى تاڭدانىس تۋدىرماي قويمايدى. مەنىڭ پايىمىمشا، بۇل جاعدايدا باسقارۋدىڭ پارلامەنتتىك جۇيەسىنە كوشۋگە ۇمتىلىس بايقالادى. الايدا، جۇمىس توبى ازىرلەگەن ناقتى شەشىمدەر جانە سوعان ساي قازاقستان رەسپۋبليكاسى كونستيتۋتسياسى مەن زاڭدارىنا تۇزەتۋلەر جوباسى ونىڭ دالەلى بولا الادى»، - دەدى كازيمەج كلەينا.
اۆتور: مارلان جيەمباي
