قازاقستاندا باعدارلامانى ورىنداماعان شەنەۋنىكتەردى قىزمەتتەن بوساتۋ ۇسىنىلدى
كواليتسيا مۇشەلەرى مەملەكەت باسشىسى ۇسىنعان ەكونوميكالىق باستامالاردى جانە مەملەكەتتىك باسقارۋ جۇيەسىندەگى بولاشاق وزگەرىستەرگە قاتىستى قولداۋ ءبىلدىردى. سونىمەن قاتار ءوز ۇسىنىستارىن جەتكىزدى. قازاقستاننىڭ كوممۋنيستىك پارتياسىنىڭ ءبىرىنشى حاتشىسى مارات اۋباكىروۆ مەملەكەتتىڭ ستراتەگيالىق باعدارلامالارىن ورىنداۋدا ەنجارلىق تانىتقان باسشىلاردى جۇمىستان قۋۋ كەرەك دەپ سانايدى.
«ءبىز حالىقپەن كەزدەسەمىز، سول كەزدە ولار باعىت دۇرىس ەكەندىگىن ايتۋدا. ەكونوميكا، الەۋمەتتىك ماسەلەلەر ورىندى كوتەرىلەدى. ءبىراق قاراپايىم حالىققا پرەزيدەنت قۇزىرىن پارلامەنتكە، ۇكىمەتكە ۇلەستىرۋ كوپ ەشتەڭە بىلدىرمەيدى، ولار داستارحاندا نان، ۇيدە مولشىلىق بولسا دەيدى. ءبىز بۇنىڭ الدىندا ايتىلعان جولداۋلاردىڭ ورىندالۋىنا ەش ورالعان ەمەسپىز. تاعى دا بولاشاققا مىندەتتەر قويىلدى، ال بۇرىنعى تاپسىرمالار ورىندالماي سول كۇيى قالدى»، - دەيدى ول.
ول مىسال رەتىندە تەك 80 پايىزعا ورىندالعان «100 مەكتەپ، 100 اۋرۋحانا» باعدارلاماسىن مىسالعا كەلتىردى. سونداي- اق يندۋستريالدى باعدارلاما اياسىندا قۇرىلعان ءبىرقاتار كاسىپورىنداردىڭ تۇرالاپ قالعانىن ايتتى.
«جاڭا مىندەتتەردى قويا وتىرىپ، شەشىلمەگەن سۇراقتارعا دا ءمان بەرگەن ءجون. بىردە ءبىر مينيستر، كوميتەت باسشىسى باعدارلامانىڭ ورىندالماۋىنا بايلانىستى قىزمەتىنەن بوساتىلعان جوق. تەك جەمقورلىقپەن ۇستالعاندارى بار. جۇمىسىنا شە؟ اندا جول ءۇش جىلدان بەرى سالىنبادى، اۋىلدا بەس جىل حالىق وزەننەن سۋ ءىشىپ وتىر دەگەن اقپاراتتار قىلاڭ بەرىپ جاتىر، اكىمدەر بولسا، قالاي وتىردى، سولاي ءالى جۇمىس ىستەۋدە»، - دەپ اتاپ ءوتتى ول.
اۆتور: جاسۇلان جولدىبايەۆ
