ج. اسانوۆ: پروكۋرورلاردىڭ ەل سەنىمىنە يە بولۋى ءۇشىن مەنتاليتەتتى وزگەرتۋ قاجەت

استانا. قازاقپارات - باس پروكۋراتۋرا قاعازباستىلىق ونىڭ ورنىنا اقپاراتتىق تەحنولوگيا قولدانادى. بۇل تۋرالى بۇگىن ەلدىڭ باس پروكۋرورى جاقىپ اسانوۆ 2016 -جىلدى قورىتىندىلاعان جيىندا مالىمدەدى.
None
None

 ول قىلمىستىق پروتسەستىڭ ۇزاققا سوزىلاتىنىن سىنعا الىپ، پروكۋرورلاردىڭ ەل سەنىمىنە يە بولۋى ءۇشىن مەنتاليتەتتى وزگەرتۋ قاجەتتىگىن قاداپ ايتتى. ەلدە جىل سايىن 500 مىڭ قىلمىستىق ءىس تەرگەلەدى. وعان اكىمشىلىك قۇقىق بۇزۋشىلىقتار بويىنشا تولتىرىلاتىن 4,5 ميلليون حاتتامانى قوسىڭىز. ولاردى جازۋعا كەتەتىن قاعازدا ەسەپ جوق. شىعىندى ايتپاعاندا، جۇرتتى سابىلتىپ قوياتىن قاعازباستىلىق ءالى كۇنگە قۇزىرلى ورگانداردىڭ قىر سوڭىنان قالماي كەلەدى.

 ەلدىڭ باس پروكۋرورى جاقىپ اسانوۆ بۇل ماسەلەنىڭ تامىرىنا بالتا شاباتىن ءسات جەتكەنىن ايتتى. اسانوۆ «اۋرۋدان» ايىعۋدىڭ العاشقى قادامىن تەرگەلەتىن ىستەردى وزگە ەلدەردەگىدەي ونلاين رەجيمگە اۋىستىرۋدان باستاۋ قاجەت دەيدى. بۇل ءبىر. ەكىنشى كەسەل كەز- كەلگەن ءىستىڭ ساعىزشا سوزىلۋى. كىنالى ايىبىن مويىنداعاننىڭ وزىندە كەمى پوليتسيادا 15 كۇن تەرگەلىپ، پروكۋرور 3 كۇن زەرتتەپ، سوتتا جوق دەگەندە 20 تاۋلىك قارالادى. باس پروكۋراتۋرانىڭ جاڭا باستاماسى جۇزەگە اسسا، ەندى مۇنداي ىستەردىڭ شەشىمى 3 تاۋلىكتىڭ ىشىندە شىعارىلادى.

مارات احمەتجانوۆ، ق ر باس پروكۋرورىنىڭ ورىنباسارى:

- سوزبالىققا سالىنىپ، قولما- قول شەشىم تابۋ قيىنداۋ ءتۇسىپ تۇر. سوندىقتان وسى پروتسەستى ودان ءارى جەتىلدىرۋ ءۇشىن توپ قۇرىپ، قوعامدا تالقىلاۋ سالىپ، زاڭگەرلەردى قوسىپ، ءتيىمدى ۆاريانتتارىن قولدانۋعا سونداي جوبا قولدانىپ وتىر.

بيلل مەيزەر ەۋرووداقتىڭ قازاقستانداعى جوباسىنىڭ جەتەكشىسى. بىلتىردان بەرى قۇزىرلى ورگاندارعا قاجەت رەفورمالار تۋرالى قۇندى كەڭەسىن بەرىپ كەلەدى.

 بيلل مەيزەر، ەۋرووداقتىڭ قازاقستانداعى جوباسىنىڭ جەتەكشىسى:

 - بىزدە كەز- كەلگەن ەۋروپا ەلىنەن ساراپشى اكەلۋگە مۇمكىندىگىمىز بار. باس پروكۋراتۋرا وسىعان دەيىن رەفورما جاساۋعا دايىنبىز دەگەن. ءبىزدىڭ مىندەت، وزگە ەلدەردىڭ ۇزدىك تاجىريبەلەرىن ۇسىنۋ.

باس پروكۋرور قىزمەتىنە كىرىسكەنىنە جىل بولماعان جاقىپ اسانوۆ سالانى بۇرىنعى سوقپاقتان شىعارىپ، جاڭا داڭعىلعا سالۋعا بىلەك سىبانا كىرىسكەندەي. تاعى ءبىر جاڭالىق. ەندى وبلىستاعى پروكۋرورلار نە تىندىرعاندارىن بەينەەسەپ تۇرىندە جولداۋى ءتيىس. ونىڭ باعاسىن باس پروكۋروردان بۇرىن بۇقارا بەرەتىن بولادى.

www.24.kz

سوڭعى جاڭالىقتار