ق ر كونستيتۋتسياسىنا وزگەرىستەر ەنگىزەتىن زاڭنىڭ جوباسى جاريالاندى

استانا. قازاقپارات - رەسمي ب ا ق- تا پرەزيدەنت نۇرسۇلتان نازاربايەۆتىڭ «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» ق ر زاڭىنىڭ جوباسىن بۇكىل حالىقتىق تالقىلاۋعا شىعارۋ تۋرالى وكىمى مەن زاڭ جوباسىنىڭ ءماتىنى جاريالاندى.

«قازاقپارات» قۇجاتتاردىڭ تولىق ءماتىنىن ۇسىنادى.

***

قازاقستان رەسپۋبليكاسى پرەزيدەنتىنىڭ وكىمى

«قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى زاڭىنىڭ جوباسىن بۇكىلحالىقتىق تالقىلاۋ تۋرالى

 1. «قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنىڭ جوباسى (بۇدان ءارى - زاڭ جوباسى) بۇكىل حالىقتىق تالقىلاۋعا شىعارىلسىن، ول 2017 -جىلعى 26 - قاڭتار 2017 -جىلعى 26 - اقپان ارالىعىندا وتكىزىلسىن.

 2. زاڭ جوباسى بۇقارالىق اقپارات قۇرالدارىندا جاريالانسىن.

 3. مەملەكەتتىك بيلىكتىڭ تارماقتارى اراسىندا وكىلەتتىكتەردى قايتا ءبولۋ ماسەلەلەرى جونىندەگى جۇمىس توبى بۇكىل حالىقتىق تالقىلاۋ بارىسىندا ايتىلعان ۇسىنىستاردى تالداۋدى جانە جيناقتاپ قورىتۋدى، وسى ۇسىنىستاردى ەسكەرە وتىرىپ، زاڭ جوباسىن پىسىقتاۋدى جانە ونى قازاقستان رەسپۋبليكاسى پرەزيدەنتىنىڭ قاراۋىنا ەنگىزۋدى قامتاماسىز ەتسىن.

قازاقستان رەسپۋبليكاسىنىڭ پرەزيدەنتى

ن. نازاربايەۆ

استانا، اقوردا، 2017 -جىلعى 25 - قاڭتار

№141

جوبا

قازاقستان رەسپۋبليكاسىنىڭ كونستيتۋتسياسىنا وزگەرىستەر مەن تولىقتىرۋلار ەنگىزۋ تۋرالى

1995 -جىلى 30 - تامىزدا رەسپۋبليكالىق رەفەرەندۋمدا قابىلدانعان قازاقستان رەسپۋبليكاسىنىڭ كونستيتۋتسياسىنا (قازاقستان رەسپۋبليكاسى پارلامەنتىنىڭ جارشىسى، 1996 ج. , № 4, 217-قۇجات؛ 1998 ج. , № 20, 245-قۇجات؛ 2007 ج. , № 10, 68-قۇجات؛ 2011 ج. , № 3, 29-قۇجات) مىناداي وزگەرىستەر مەن تولىقتىرۋلار ەنگىزىلسىن:

 1. 26-باپتىڭ 1 جانە 2-تارماقتارى مىناداي رەداكسيادا جازىلسىن:

«1. اركىم زاڭدى تۇردە العان قانداي دا بولسىن مۇلكىن جەكە مەنشىگىندە ۇستاي الادى.

 2. جەكە مەنشىك قۇقىعىنا قول سۇعىلمايدى. مەنشىككە، ونىڭ ىشىندە مۇراگەرلىك قۇقىعىنا زاڭمەن كەپىلدىك بەرىلەدى. ەگەر كونستيتۋتسيادا وزگەشە كوزدەلمەسە، زاڭدى جولمەن الىنعان مۇلىككە مەنشىك قۇقىعىن شەكتەيتىن نەمەسە ودان ايىراتىن زاڭداردى جانە وزگە دە قۇقىقتىق اكتىلەردى قابىلداۋعا جول بەرىلمەيدى.».

 3. 44-باپتا:

3) تارماقشا مىناداي رەداكسيادا جازىلسىن:

«3) پارلامەنت ماجىلىسىندە وكىلدىگى بار ساياسي پارتيالار فراكسيالارىمەن كونسۋلتاتسيالاردان كەيىن كەلىسىم بەرۋ ءۇشىن ءماجىلىستىڭ قاراۋىنا رەسپۋبليكا پرەمەر- ءمينيسترىنىڭ كانديداتۋراسىن ەنگىزەدى؛ پارلامەنت ءماجىلىسىنىڭ كەلىسىمىمەن رەسپۋبليكا پرەمەر- ءمينيسترىن قىزمەتىنە تاعايىندايدى؛ رەسپۋبليكا پرەمەر- ءمينيسترىن قىزمەتىنەن بوساتادى؛ پارلامەنت ماجىلىسىمەن كونسۋلتاتسيالاردان كەيىن پرەمەر- مينيستر ەنگىزگەن ۇسىنۋمەن ۇكىمەتتىڭ قۇرىلىمىن ايقىندايدى، پرەزيدەنت دەربەس تاعايىندايتىن جانە بوساتاتىن سىرتقى ىستەر جانە قورعانىس مينيسترلەرىن قوسپاعاندا، ۇكىمەت مۇشەلەرىن قىزمەتىنە تاعايىندايدى جانە قىزمەتىنەن بوساتادى؛ ۇكىمەت مۇشەلەرىنىڭ انتىن قابىلدايدى؛ ەرەكشە ماڭىزدى ماسەلەلەر بويىنشا قاجەتتىگىنە قاراي ۇكىمەت وتىرىستارىنا ءتوراعالىق ەتەدى؛ وبلىستار، رەسپۋبليكالىق ماڭىزى بار قالالار مەن استانا اكىمدەرى اكتىلەرىنىڭ كۇشىن جويادى نە قولدانىلۋىن تولىق نەمەسە ءىشىنارا توقتاتا تۇرادى؛»؛

2) 8) جانە 9) تارماقشالار الىپ تاستالسىن؛

3) مىناداي مازمۇنداعى 10-1) تارماقشامەن تولىقتىرىلسىن:

«10-1) ادامنىڭ جانە ازاماتتىڭ قۇقىقتارى مەن بوستاندىقتارىن قورعاۋ، مەملەكەتتىڭ ۇلتتىق قاۋىپسىزدىگىن، ەگەمەندىگى مەن تۇتاستىعىن قامتاماسىز ەتۋ مۇددەسىندە، كۇشىنە ەنگەن زاڭدى نەمەسە وزگە دە قۇقىقتىق اكتىنى رەسپۋبليكا كونستيتۋتسياسىنا سايكەستىگىنە قاراۋ، قازاقستان رەسپۋبليكاسى كونستيتۋتسياسىنىڭ 91-بابى 3-تارماعىندا كوزدەلگەن جاعدايدا قورىتىندى بەرۋ تۋرالى كونستيتۋتسيالىق كەڭەسكە ۇندەۋلەردى جولدايدى؛»؛

4) 18) تارماقشا مىناداي رەداكسيادا جازىلسىن:

«18) وزىنە باعىنىستى مەملەكەتتىك كۇزەت قىزمەتىن جاساقتايدى؛».

 3. 45-باپتىڭ 2-تارماعى الىپ تاستالسىن.

 4. 53-باپتىڭ 3) تارماقشاسى الىپ تاستالسىن.

 5. 57-باپتىڭ 6) تارماقشاسى مىناداي رەداكسيادا جازىلسىن:

«6) پالاتا دەپۋتاتتارى جالپى سانىنىڭ كەمىندە ۇشتەن ءبىرىنىڭ باستاماسى بويىنشا رەسپۋبليكا ۇكىمەتى مۇشەلەرىنىڭ ءوز قىزمەتى ماسەلەلەرى جونىندەگى ەسەپتەرىن تىڭداۋعا حاقىلى. ەسەپتى تىڭداۋ قورىتىندىلارى بويىنشا ۇكىمەت مۇشەسى رەسپۋبليكا زاڭدارىن ورىنداماعان جاعدايدا پالاتا دەپۋتاتتارى جالپى سانىنىڭ كەمىندە ۇشتەن ەكىسىنىڭ كوپشىلىك داۋسىمەن ونى قىزمەتتەن بوساتۋ تۋرالى رەسپۋبليكا پرەزيدەنتىنە ءوتىنىش جاساۋعا حاقىلى. مۇنداي جاعدايدا رەسپۋبليكا پرەزيدەنتى ۇكىمەت مۇشەسىن قىزمەتىنەن بوساتادى؛».

 6. 61-باپتىڭ 2-تارماعى مىناداي رەداكسيادا جازىلسىن:

«2. رەسپۋبليكا پرەزيدەنتىنىڭ زاڭدار جوبالارىن قاراۋدىڭ باسىمدىعىن بەلگىلەۋگە قۇقىعى بار، بۇل ءتيىستى زاڭ جوبالارى پارلامەنتتىڭ اعىمداعى سەسسياسى ىشىندە ءبىرىنشى كەزەكتەگى تارتىپپەن قابىلدانۋى ءتيىس ەكەنىن بىلدىرەدى.».

 7. 64-باپتىڭ 2-تارماعى مىناداي رەداكسيادا جازىلسىن:

«2. ۇكىمەت القالى ورگان بولىپ تابىلادى جانە ءوزىنىڭ قىزمەتىندە رەسپۋبليكا پرەزيدەنتىنىڭ، پارلامەنت ءماجىلىسىنىڭ جانە پارلامەنتتىڭ الدىندا جاۋاپتى.».

 8. 65-باپتىڭ 2-تارماعى مىناداي رەداكسيادا جازىلسىن:

«2. پرەمەر- مينيستر تاعايىندالعاننان كەيىنگى ون كۇن مەرزىمدە رەسپۋبليكانىڭ پرەمەر- ءمينيسترى پارلامەنت ماجىلىسىمەن كونسۋلتاتسيالاردان كەيىن ۇكىمەتتىڭ قۇرىلىمى مەن قۇرامى تۋرالى رەسپۋبليكا پرەزيدەنتىنە ۇسىنىستار ەنگىزەدى.».

 9. 66-باپتا:

1) جانە 8 ) تارماقشالار مىناداي رەداكسيادا جازىلسىن:

«1) مەملەكەتتىڭ الەۋمەتتىك- ەكونوميكالىق ساياساتىنىڭ، ونىڭ قورعانىس قابىلەتىنىڭ، قاۋىپسىزدىگىنىڭ، قوعامدىق ءتارتىپتى قامتاماسىز ەتۋدىڭ نەگىزگى باعىتتارىن ازىرلەيدى جانە ولاردىڭ جۇزەگە اسىرىلۋىن ۇيىمداستىرادى؛ رەسپۋبليكا پرەزيدەنتىنىڭ كەلىسىمىمەن مەملەكەتتىك باعدارلامالاردى بەكىتەدى جانە ولاردىڭ ورىندالۋىن قامتاماسىز ەتەدى؛»؛

«8) ۇكىمەت قۇرامىنا كىرمەيتىن ورتالىق اتقارۋشى ورگانداردى قۇرادى، تاراتادى جانە قايتا ۇيىمداستىرادى، ولاردىڭ باسشىلارىن قىزمەتىنە تاعايىندايدى جانە قىزمەتىنەن بوساتادى؛»؛

مىناداي مازمۇنداعى 9-1) تارماقشامەن تولىقتىرىلسىن:

«9-1) مەملەكەتتىك بيۋدجەت ەسەبىنەن قامتىلاتىن بارلىق ورگانداردىڭ قىزمەتكەرلەرى ءۇشىن ەڭبەكاقى تولەۋدى قارجىلاندىرۋدىڭ ءبىرىڭعاي جۇيەسىن رەسپۋبليكا پرەزيدەنتىنىڭ كەلىسىمىمەن بەكىتەدى؛».

 10. 67-باپتىڭ 4) تارماقشاسى مىناداي رەداكسيادا جازىلسىن:

«4) ۇكىمەت قىزمەتىنىڭ نەگىزگى باعىتتارى جانە ونىڭ اسا ماڭىزدى بارلىق شەشىمدەرى تۋرالى پرەزيدەنتكە جانە پارلامەنت ماجىلىسىنە باياندايدى؛».

 11. 70-باپتىڭ 1-تارماعى مىناداي رەداكسيادا جازىلسىن:

«1. ۇكىمەت جاڭادان سايلانعان رەسپۋبليكا پارلامەنتى ءماجىلىسىنىڭ الدىندا ءوز وكىلەتتىگىن دوعارادى.».

 12. 72-باپتىڭ 2-تارماعى مىناداي رەداكسيادا جازىلسىن:

 «2. كونستيتۋتسيالىق كەڭەس كونستيتۋتسيانىڭ 44-بابىنىڭ 10-1) تارماقشاسىندا كوزدەلگەن جاعدايلاردا رەسپۋبليكا پرەزيدەنتىنىڭ، سونداي- اق كونستيتۋتسيانىڭ 78-بابىندا بەلگىلەنگەن جاعدايلاردا سوتتاردىڭ وتىنىشتەرىن قارايدى.».

 13. 79-باپتىڭ 3-تارماعى مىناداي رەداكسيادا جازىلسىن:

«3. رەسپۋبليكا سوتتارىنىڭ سۋديالارىنا قويىلاتىن تالاپتار كونستيتۋتسيالىق زاڭدا ايقىندالادى.».

 14. 81-باپ مىناداي رەداكسيادا جازىلسىن:

«81-باپ

قازاقستان رەسپۋبليكاسىنىڭ جوعارعى سوتى ازاماتتىق، قىلمىستىق ىستەر، جەرگىلىكتى جانە جەرگىلىكتى جانە باسقا دا سوتتاردىڭ سوتتىلىعىنا جاتاتىن وزگە دە ىستەر بويىنشا جوعارى سوت ورگانى بولىپ تابىلادى، زاڭدا كوزدەلگەن جاعدايلاردا ونىڭ سوتتىلىعىنا جاتاتىن سوت ىستەرىن قارايدى جانە سوت پراكتيكاسىنىڭ ماسەلەلەرى بويىنشا تۇسىنىكتەمەلەر بەرەدى.».

 15. 83-باپتىڭ 1-تارماعى مىناداي رەداكسيادا جازىلسىن:

«1. پروكۋراتۋرا مەملەكەت اتىنان قازاقستان رەسپۋبليكاسىنىڭ اۋماعىندا زاڭدا بەلگىلەنگەن شەكتەردە جانە نىسانداردا زاڭدىلىقتىڭ ساقتالۋىن جۇزەگە اسىرادى، سوتتا مەملەكەتتىڭ مۇددەلەرىن بىلدىرەدى جانە مەملەكەت اتىنان قىلمىستىق قۋدالاۋدى جۇزەگە اسىرادى.».

 16. 86-باپتىڭ 5-تارماعى مىناداي رەداكسيادا جازىلسىن:

«5. رەسپۋبليكا پرەزيدەنتى پرەمەر- مينيسترمەن جانە پارلامەنت پالاتالارىنىڭ توراعالارىمەن كونسۋلتاتسيالاردان كەيىن ءماسليحاتتىڭ وكىلەتتىگىن مەرزىمىنەن بۇرىن توقتاتادى، سونداي- اق ءماسليحات ءوزىن- ءوزى تاراتۋ تۋرالى شەشىم قابىلداعان جاعدايدا ونىڭ وكىلەتتىگى مەرزىمىنەن بۇرىن توقتاتىلادى.».

 17. 87-باپتىڭ 4-تارماعى مىناداي رەداكسيادا جازىلسىن:

«4. وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ اكىمدەرىن تيىسىنشە وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ ءماسليحاتتارىنىڭ كەلىسىمىمەن رەسپۋبليكا پرەزيدەنتى قىزمەتكە تاعايىندايدى. وزگە اكىمشىلىك- اۋماقتىق بولىنىستەردىڭ اكىمدەرى قىزمەتكە زاڭدا ايقىندالعان تارتىپپەن تاعايىندالادى نەمەسە سايلانادى. رەسپۋبليكا پرەزيدەنتى ءوزىنىڭ ۇيعارۋى بويىنشا اكىمدەردى قىزمەتىنەن بوساتۋعا حاقىلى.».

18. 91-باپتا:

1) 2-تارماق مىناداي رەداكسيادا جازىلسىن:

«2. كونستيتۋتسيادا بەلگىلەنگەن مەملەكەتتىڭ تاۋەلسىزدىگىن، رەسپۋبليكانىڭ ءبىرتۇتاستىعى مەن اۋماقتىق تۇتاستىعىن، باسقارۋ نىسانىن وزگەرتۋگە بولمايدى.»؛

2) مىناداي مازمۇنداعى 3-تارماقپەن تولىقتىرىلسىن:

«3. رەسپۋبليكا كونستيتۋتسياسىنا ەنگىزىلەتىن وزگەرىستەر مەن تولىقتىرۋلار، ولاردىڭ وسى باپتىڭ 2-تارماعىندا بەلگىلەنگەن تالاپتارعا سايكەس كەلەتىنى تۋرالى كونستيتۋتسيالىق كەڭەستىڭ قورىتىندىسى بولعاندا، رەسپۋبليكالىق رەفەرەندۋمعا نەمەسە رەسپۋبليكا پارلامەنتىنىڭ قاراۋىنا شىعارىلادى.».