مۇحتار تايجان: قازاقستان دەموكراتيالانۋ جولىن جاريا ەتتى

استانا. قازاقپارات - ب. تايجان اتىنداعى قوردىڭ باسشىسى مۇحتار تايجان مەملەكەت باسشىسىنىڭ بيلىك تارماقتارى اراسىندا وكىلەتتىكتەردى ءبولۋ ماسەلەلەرى جونىندەگى ۇندەۋىنە قاتىسى پىكىر بىلدىرە كەلە پرەزيدەنت وكىلەتتەرىن ۇكىمەت پەن پارلامەنتكە بەرۋ دۇرىس ەكەندىگىن ايتتى، دەپ حابارلايدى قازاقپارات.

«قازاقستاندا پارلامەنت پەن ۇكىمەت ءرولىن ۇلعايتۋ ارقىلى دەموكراتيالانۋ جولىن جاريا ەتتى. مۇنداي باستامانى قولداماۋعا بولمايدى. بىزدە جوعارى پرەزيدەنتتى رەسپۋبليكا بولعان ەدى. مەن پرەزيدەنتتىك وكىلەتتىكتەردى ۇكىمەت پەن پارلامەنتكە بەرۋ دۇرىس دەپ سانايمىن. مۇنداي تاجىريبە الەمدە كەڭىنەن تاراعان. ۇكىمەت پارلامەنت الدىندا جاۋاپ بەرۋى ءتيىس. ال پارلامەنت باسقا بولۋى قاجەت. سايلاۋ بولۋى ءتيىس، وندا كەمىندە جارتىسى ماجوريتارلىق جۇيە (سايلاۋشىلاردىڭ داۋىسىن جيناۋ ارقىلى سايلانۋ جۇيەسى) بويىنشا، كەلەسى پروپورتسيونالدى جۇيە (پارتيالىق جەڭىسى ارقىلى سايلانۋ) ارقىلى قالىپتاسۋى كەرەك. مۇنداي پارلامەنت الدىندا ۇكىمەت جاۋاپ بەرسىن»، - دەپ مالىمدەدى مۇحتار تايجان.

ايتا كەتەيىك، كەشە ق ر پرەزيدەنتى نۇرسۇلتان نازاربايەۆ وتاندىق تەلەارنالار ارقىلى بيلىك تارماقتارى اراسىندا وكىلەتتىكتەردى ءبولۋ ماسەلەلەرى جونىندەگى ۇندەۋىن جاريا ەتتى. وندا پرەزيدەنتتىڭ الەۋمەتتىك- ەكونوميكالىق پروتسەستەردى رەتتەۋدەگى ءبىرشاما وكىلەتتەرىن ۇكىمەتكە جانە باسقا دا اتقارۋشى ورگاندارعا بەرۋ، ۇكىمەتتى جاساقتاۋدا پارلامەنتتىڭ ءرولىن كۇشەيتۋ قاراستىرىلعان.

اۆتور: مارلان جيەمباي