19:41, 18 - قاڭتار 2017 | GMT +5
ق ر ورتالىق سايلاۋ كوميسسياسى دەپۋتات جامالوۆقا قاتىستى تەكسەرىس جۇرگىزەدى
استانا. قازاقپارات - ق ر ورتالىق سايلاۋ كوميسسياسى دەپۋتات امانجان جامالوۆقا قاتىستى تەكسەرىس جۇرگىزەدى، دەپ حابارلايدى قازاقپارات.

«2017 -جىلعى 18 -قاڭتاردا قازاقستان رەسپۋبليكاسى ورتالىق سايلاۋ كوميسسياسىنىڭ ا. ج. 17 -قاڭتاردا 365info.kz ينتەرنەت- پورتالىندا جاريالانعان «تابىستى» دەپۋتات جامالوۆ قازاقستان پارلامەنتىنەن كەتۋى مۇمكىن» ماقالاسىندا باياندالعان فاكتىلەر بويىنشا وتىرىسى بولدى.
ق ر و س ك مۇشەسى م. ا. سارسەمبايەۆتىڭ حابارى جانە ق ر پارلامەنتى ءماجىلىسىنىڭ دەپۋتاتى ا. م. جامالوۆتىڭ تۇسىندىرمەلەرى تىڭدالدى.
قازاقستان رەسپۋبليكاسى كونستيتۋتسياسىنىڭ 52-بابى 6-تارماعىنا سايكەس ق ر و س ك مۇشەلەرى م. ا. سارسەمبايەۆ پەن ل. ج. سۇلەيمەنگە تەكسەرۋ جۇرگىزۋ جانە ا. ج. 24 -قاڭتارعا ناتيجەلەرى تۋرالى بايانداۋ تاپسىرىلدى. اتالعان ماسەلە بويىنشا ق ر و س ك قاۋلىسى قابىلداندى»، - دەپ جازىلعان و س ك حابارلاماسىندا.