قازاقستانعا كەلگەن قانداستارىمىز ق ر ازاماتتارىمەن بىردەي تەگىن مەديتسينالىق كومەك الادى

استانا. قازاقپارات - استانا قالاسىنىڭ دەنساۋلىق ساقتاۋ باسقارماسى ميگرانتتارعا (ق ر ازاماتتارى بولىپ تابىلمايتىن جاندار) مەديتسينالىق كومەك كورسەتۋ قاعيداسىن ءتۇسىندىردى، دەپ حابارلايدى قازاقپارات.

 «ق ر ۇكىمەتىنىڭ 2009 - جىلعى 15 - جەلتوقسانداعى № 2136 قاۋلىسىنا سايكەس، تەگىن مەديتسينالىق كومەكتىڭ كەپىلدىك بەرىلگەن كولەمى قازاقستان رەسپۋبليكاسىنىڭ ازاماتتارى مەن ورالماندارعا بەرىلەدى. ميگرانتتارعا قاتىستى ق ر دەنساۋلىق ساقتاۋ ءمينيسترىنىڭ 2001 -جىلعى 30 - قىركۇيەكتەگى «ميگرانتتارعا مەديتسينالىق كومەك كورسەتۋ قاعيدالارىن بەكىتۋ تۋرالى» № 665 بۇيرىعى بار. تاريحي وتانىنا ورالۋ ءۇشىن قازاقستان رەسپۋبليكاسىنا كەلگەن ميگرانتتار (ورالمان، ەتنيكالىق قازاق جانە ونىڭ وتباسى مۇشەلەرى) ۇكىمەتتىڭ بەكىتىلگەن قاۋلىسىنا سايكەس ق ر ازاماتتارىمەن بىردەي تەگىن مەديتسينالىق كومەك الادى»، - دەلىنگەن حابارلامادا.

 تەگىن مەديتسينالىق كومەكتىڭ كەپىلدىك بەرىلگەن كولەم تىزىمىنە ەنبەيتىن مەديتسينالىق كومەكتەر اقىلى نەگىزدە، ەرىكتى مەديتسينالىق ساقتاندىرۋ اياسىندا نەمەسە جۇمىس بەرۋشى ەسەبىنەن ىسكە اسىرىلادى. قازاقستان اۋماعىندا جۇرگەن ميگرانتتارعا قورشاعان ورتاعا قاۋىپ توندىرەتىن جۇقپالى اۋرۋمەن اۋىرعان جاعدايدا تەگىن مەديتسينالىق كومەك كورسەتىلەدى. ودان وزگە جاعدايلاردا ميگرانتتارعا مەديتسينالىق كومەك اقىلى نەگىزدە كورسەتىلەدى.