نازاربايەۆ پەن ءابۋ- ءدابيدىڭ تاق مۇراگەرى ەكى ەلدىڭ ىنتىماقتاستىق ماسەلەلەرىن تالقىلادى

دەپ حابارلايدى قازاقپاراتتىڭ ارناۋلى ءتىلشىسى ارنۇر راحىمبەكوۆ ءابۋ- دابيدەن.
كەلىسسوزدەر ب ا ءا ۇكىمەتىنىڭ «المۋشريف» رەزيدەنسياسىندا ءوتتى. كەزدەسۋ بارىسىندا قازاقستان پرەزيدەنتى مەن ءابۋ- ءدابيدىڭ تاق مۇراگەرى ەكى ەلدىڭ ساۋدا- ەكونوميكالىق، ينۆەستيتسيالىق، ەنەرگەتيكالىق، مادەني- گۋمانيتارلىق سالالارداعى، سونىمەن قاتار حالىقارالىق كۇنتارتىبىندەگى وزەكتى ماسەلەلەردى تالقىلادى. كەڭەيتىلگەن قۇرامداعى كەلىسسوزدەردىڭ ناتيجەسىندە ءبىرقاتار قۇجاتقا قول قويىلدى.
اتاپ ايتقاندا، قازاقستان رەسپۋبليكاسى ۇكىمەتى مەن بىرىككەن اراب امىرلىكتەرى ۇكىمەتى اراسىندا ق ر- نىڭ ب ا ءا -دەگى جانە ب ا ءا - ءنىڭ قازاقستانداعى ەلشىلىكتەرىنىڭ قاجەتتىلىگى ءۇشىن استانا مەن ءابۋ- دابي قالالارىندا جەر تەلىمدەرىن قايتارىمسىز نەگىزدە ءوزارا ۇسىنۋ تۋرالى كەلىسىم، قازاقستان رەسپۋبليكاسى ۇكىمەتى مەن بىرىككەن اراب امىرلىكتەرى ۇكىمەتى اراسىندا ديپلوماتيالىق ءتولقۇجاتقا يە ازاماتتاردىڭ ءوزارا ۆيزاسىز ساپارلارى تۋرالى كەلىسىمگە وزگەرتۋلەر ەنگىزۋ تۋرالى حاتتاما، ق ر ءدىن ىستەرى جانە ازاماتتىق قوعام مينيسترلىگى مەن بىرىككەن اراب امىرلىكتەرى يسلام ءىسى جانە ۆاكۋف جونىندەگى باس اگەنتتىگى اراسىندا ءوزارا تۇسىنىستىك تۋرالى مەموراندۋم، «استانا ەكسپو-2017» مەن «ەكسپودۋباي 2020» بيۋروسى اراسىندا ءوزارا تۇسىنىستىك تۋرالى مەموراندۋم، ماڭعىستاۋ وبلىسى اكىمدىگى مەن DP World FZE اراسىندا ءوزارا تۇسىنىستىك تۋرالى مەموراندۋم، ق ر سىرتقى ىستەر مينيسترلىگى مەن بىرىككەن اراب امىرلىكتەرى اراسىندا كونسۋلدىق ماسەلەلەر بويىنشا بىرلەسكەن كوميسسيا قۇرۋ تۋرالى ءوزارا تۇسىنىستىك تۋرالى مەموراندۋم، ق ر ينۆەستيتسيالار جانە دامۋ مينيسترلىگى مەن بىرىككەن اراب امىرلىكتەرى ەكونوميكا مينيسترلىگى اراسىندا تۋريزم سالاسىنداعى ءوزارا تۇسىنىستىك تۋرالى مەموراندۋم، ق ر ينۆەستيتسيالار جانە دامۋ مينيسترلىگى مەن ب اءا جەر ءۇستى جانە سۋ كولىگى فەدەرالدى اگەنتتىگى اراسىندا حالىقارالىق جولاۋشىلار مەن جۇكتەردى اۆتوكولىكتەرمەن تاسىمالداۋ تۋرالى مەموراندۋم راسىمدەلدى.
اۆتور: مارلان جيەمباي