يسەكەشەۆ ەلوردادا قوعامدىق كولىكتى دامىتۋدا وڭاي شەشىم تابىلمايتىندىعىن مويىندادى

مەملەكەت باسشىسىنىڭ تاپسىرمالارىنا جانە ۇنەمى وزگەرىپ وتىراتىن الەۋمەتتىك جانە ەكونوميكالىق ۇدرىستەرگە بايلانىستى ەلوردا اكىمدىگى 2020 -جىلعا دەيىن قالانى دامىتۋ باعدارلاماسىنا تۇزەتۋلەر ەنگىزدى. باعدارلامانىڭ باستى باسىمدىعى قالا تۇرعىندارىنىڭ ءال- اۋقاتىنىڭ جانە الەۋمەتتىك جاعدايىنىڭ ءوسۋى بولىپ تابىلادى.
باعدارلامانىڭ ەكى باستى ماقساتى - قالا حالقىنىڭ ءومىر ءسۇرۋ ساپاسىندا جانە كىرىستەرىنىڭ وسۋىندە ەلەۋلى ىلگەرىلەۋگە قول جەتكىزۋ. مۇنى قالاي جاساۋعا بولادى؟ ءومىر ءسۇرۋ ساپاسىن جاقسارتۋ ءبىلىم، دەنساۋلىق ساقتاۋ سالالارىندا مەملەكەتتىك قىزمەتتەردى كورسەتۋ دەڭگەيىن ارتتىرۋ، قوعامدىق كولىكتىڭ جۇمىسىن، ەكولوگيانى، قاۋىپسىزدىكتى، تۇرعىن ءۇي جاعدايلارىن جاقسارتۋ، ازىق- تۇلىكپەن قامتۋ، بەنچماركينگ رەتىندە ءبىز الدىمىزعا ەىدۇ ستاندارتتارىن قويىپ وتىرمىز. جانە ءاربىر سالا بويىنشا ىلگەرىلەۋدى كورۋگە بولاتىن ينديكاتورلار بەلگىلەپ الدىق»، - دەپ جازدى يسەكەشەۆ.
ونىڭ اتاپ وتۋىنشە، اتالعان كەزەڭدە قالا اكىمدىگى حالىق ءۇشىن ماڭىزدى 20 نەگىزگى كورسەتكىشكە جەتۋگە زەيىن قويماق. ولار قولجەتىمدى جانە ساپالى بىلىممەن قامتۋعا، دەنساۋلىق ساقتاۋ سالاسىندا ەلەۋلى العا جىلجۋعا، قوعامدىق كەڭىستىكتەردى ترانسفورماتسيالاۋعا، زاماناۋي قوعامدىق كولىك جۇيەسىن جانە تكش دامىتۋعا مۇمكىندىك بەرەدى. سول سەبەپتى اكىمدىك باعدارلاماعا «20 ناقتى باستاما» دەگەن اتاۋ بەرىپ، ونى ەلوردانىڭ 20 -جىلدىعىنا ورايلاستىرۋدى ءجون كورگەن.
«ءبىرىنشى كەزەكتەگى ماسەلەلەردىڭ ءبىرى بارلىعى ءۇشىن، قالا ورتالىعى نەمەسە قالانىڭ شەتى بولسىن، ءبىر قادامدىق قولجەتىمدىلىكتى قامتاماسىز ەتۋ؛ قالا 129 سەكتور ارقىلى (ءارقايسىسىندا 10 مىڭ ادامعا دەيىن حالىق تۇرادى) دامىتىلاتىن بولادى، وندا كەم دەگەندە 32 الەۋمەتتىك ستاندارت قاراستىرىلادى مەكتەپتەر، بالاباقشالار، ساياباقتار، سپورت الاڭدارى، ەمحانالار، ۋچاسكەلىك پوليتسيا بەكەتى، ازىق- تۇلىك ونىمدەرىنە قولجەتىمدىلىك، قوعامدىق كولىك، قاۋىپسىزدىكتى قامتاماسىز ەتۋگە ارنالعان بەينەكامەرالار جانە ت. ب. وسىلاردى بىرتىندەپ ورىندايتىن بولامىز. سونداي- اق، ءبىز بۇل كورسەتكىشتەرمەن شەكتەلىپ قالمايمىز، باسقا سالالاردا دا قىزۋ جۇمىس جۇرگىزىلۋدە. جوعارىدا اتالعان باعىتتاردى جۇزەگە اسىرۋ جاڭا تەتىكتەردى، ادىستەردى ازىرلەۋدى تالاپ ەتەدى جانە ءبىز ءۇشىن وسى جۇمىسقا قالا قوعامىن، ساراپشىلاردى، حالىقتى تارتۋ وتە ماڭىزدى»، - دەيدى ەلوردا اكىمى.
اكىمنىڭ جازۋىنشا، باستاپقى كەزەڭدە يدەيالاردى جيناپ، تالقىلاۋ ءۇشىن تاۋەلسىز ساراپشىلاردان جاساقتالعان ورنىقتى دامۋ جونىندەگى كەڭەس قۇرىلدى. ول باستامالاردىڭ ىسكە اسىرىلۋ بارىسىن باقىلاپ، قالا قوعامىمەن ديالوگتى قامتاماسىز ەتەتىن بولادى (بۇل جۇمىستى تانىمال ساراپشى تالعات ءابدىجاپپاروۆ ۇيلەستىرەتىن بولادى).
«سونىمەن بىرگە، ءبىز جەكەلەگەن كورسەتكىشتەردى تۇزەتۋگە دايىنبىز. وسى رەتتە ءبىز جۇمىستى باعالاۋ تەتىكتەرىنىڭ ءبىرى الەۋمەتتىك ساۋالنامالاردى ەنگىزەمىز. ءبىز ءار سالا بويىنشا ءىس- قيمىل جوسپارىن، نەگىزگى جوبالار مەن شارالاردى بەلگىلەپ الدىق. سول سەبەپتى كەڭەس ارقىلى ونىڭ ءارقايسىسىن اشىق جانە جاريالى تۇردە قاراستىرماقپىز. ءبىز ءۇشىن كەرى بايلانىستىڭ بولعانى كەرەك، حالىقتىڭ ءار سالاداعى دامۋدى ءتۇسىنىپ، قولداعانى ماڭىزدى.
وسى رەتتە قارالعان العاشقى ماسەلە قوعامدىق كولىكتى دامىتۋ باعدارلاماسىن، ءبىزدىڭ ماماندار دايىنداعان، ۇسىنعان جوبالارى مەن شارالارىن تالقىلاۋ بولدى. بۇل وڭاي ماسەلە ەمەس. باستاپقى جوسپار بويىنشا قالا حالقىنىڭ سانى 2030 -جىلى 860 مىڭ ادامدى قۇراۋعا ءتيىس بولاتىن. الايدا ول ءقازىردىڭ وزىندە ءبىر ميلليونعا جەتتى. اۆتوموبيليزاتسيا دەڭگەيى جوعارى (1997 -جىلى 30 مىڭ اۆتوكولىك بولسا، 2016 -جىلى 350 مىڭ اۆتوكولىك، وزگە وڭىرلەردەن كەلگەن جانە ترانزيتتىك كولىكتەر سانى 100-150 مىڭ شاماسىندا).
جول ينفراقۇرىلىمىنىڭ جەتىسپەۋشىلىگى جانە ت. ب. سوندىقتان دا بۇل جەردە وڭاي شەشىم دە تابىلا قويماس. ءبىز ۇكىمەتتىڭ قولداۋىمەن جەڭىل رەلستى كولىك جۇيەسىنىڭ قۇرىلىسىنا بەلسەنە كىرىستىك، ول 2019 -جىلدىڭ ءبىرىنشى جارتىسىندا اياقتالادى، سونداي- اق، بىرنەشە جاڭا كوشە سالىنىپ، ءبىرقاتار كوشەلەر مەن جولدار كەڭەيتىلەدى، باسقا دا جوبالار جوسپارلانعان. جول مەن جولايرىقتاردىڭ قۇرىلىسى بارلىق ماسەلەلەردى شەشىپ بەرمەيدى.
بۇكىل الەمدە (سينگاپۋر، لوندون، ماسكەۋ، دۋباي) قولدانىلاتىن جاڭا تەحنولوگيالىق جانە باسقارۋشىلىق شەشىمدەر قاجەت. جانە ءبىر ۋاقىتتا بارلىق ماسەلەلەردى قاناعاتتاندىرۋ دا مۇمكىن ەمەس، باسىمدىقتار بەلگىلەۋ كەرەك. الەمنىڭ كوپتەگەن مەگاپوليستەرىندەگىدەي باستى باسىمدىق رەتىندە ءبىز قوعامدىق كولىك پەن جاياۋ جۇرگىنشىلەردى بەلگىلەدىك.
جۇمىستىڭ جاڭا ستاندارتتارىنا جاقىنداي تۇسكەن ماڭىزدى ( جىلى جانە جەلدەتىلەتىن ايالدامالار، اۆتوبۋستاردىڭ 7-10 مينۋتتىق ارالىقپەن ءجۇرۋى جانە ت. ب.)، ۆەلوجولداردىڭ، جاياۋ جۇرگىنشىلەر جولدارىنىڭ، ساياباقتاردىڭ جەلىسىن دامىتۋ). مەنىڭ ارىپتەستەرىم وسى جوبالاردى تانىستىردى، مەن بارلىق ساراپشىلاردان جانە حالىقتان 1 اقپانعا دەيىن ءوز ەسكەرتۋلەرى مەن ۇسىنىستارىن ايتۋدى ءوتىندىم. سودان كەيىن ءبىز ءبارىن مۇقيات زەرتتەپ، اقىرعى شەشىم قابىلدايتىن بولامىز.
قالعان سالالار بويىنشا دا ءبىز بارلىق ماسەلەلەردى اشىق جانە ءمولدىر تۇردە تالقىلاۋعا ءازىرمىز. بۇل ءبىزدىڭ جۇمىسىمىزدىڭ جاڭا فورماتى دەپ ەسەپتەيمىز. سارسەنبى، 11 -قاڭتار كۇنى قالا اكتيۆىمەن كەڭەس وتكىزىپ، وندا بىلتىرعى جىلدىڭ قورىتىندىلارىن قاراپ، جاڭا مىندەتتەردى بەلگىلەدىك. اكىمدىكتىڭ ءاربىر قىزمەتكەرى ءوز جۇمىسىن وسى باسىمدىققا سايكەس قايتا قۇرۋعا ءتيىس»، - دەپ اتاپ ءوتتى اسەت يسەكەشەۆ.