مارات ءتاجين ق ر پرەزيدەنتى اكىمشىلىگى باسشىسىنىڭ ءبىرىنشى ورىنباسارى قىزمەتىنە تاعايىندالدى

استانا. قازاقپارات - ەلباسى نۇرسۇلتان نازاربايەۆتىڭ جارلىعىمەن م. م. ءتاجين قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى قىزمەتىنە تاعايىندالدى، دەپ حابارلايدى اقوردانىڭ باسپا ءسوز قىزمەتى.
None
None

«مارات مۇحانبەتقازى ۇلى ءتاجين قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ءبىرىنشى ورىنباسارى بولىپ تاعايىندالسىن، ول قازاقستان رەسپۋبليكاسىنىڭ رەسەي فەدەراتسياسىنداعى توتەنشە جانە وكىلەتتى ەلشىسى قىزمەتىنەن بوساتىلسىن»، - دەلىنگەن جارلىقتىڭ ماتىنىندە.

مەملەكەت باسشىسىنىڭ جارلىعىمەن باعلان اساۋباي ۇلى مايلىبايەۆ قازاقستان رەسپۋبليكاسى پرەزيدەنتىنىڭ اكىمشىلىگى باسشىسىنىڭ ورىنباسارى قىزمەتىنەن بوساتىلدى.

**

ءتاجين، مارات مۇحامبەتقازى ۇلىنىڭ ءومىربايانى

مارات مۇحامبەتقازى ۇلى - 1960 - جىلى 8- ءساۋىر كۇنى اقتوبە قالاسىندا تۋعان.

الماتى حالىق شارۋاشىلىعى ينستيتۋتىن جانە س. م. كيروۆ اتىنداعى قازاق مەملەكەتتىك ۋنيۆەرسيتەتىنىڭ اسپيرانتۋراسىن بىتىرگەن. الەۋمەت تانۋ عىلىمدارىنىڭ دوكتورى، پروفەسسور.

1992 ج. دەيىن عىلىمي- وقىتۋشىلىق قىزمەتپەن اينالىستى.

1992 ج. باستاپ - قازاقستان رەسپۋبليكاسى پرەزيدەنتى مەن مينيسترلەر كابينەتىنىڭ اپپاراتىندا: ىشكى ساياسات ءبولىمى مەڭگەرۋشىسىنىڭ ءبىرىنشى ورىنباسارى، وسى ءبولىمنىڭ مەڭگەرۋشىسى، ق ر پرەزيدەنتى اپپاراتى باسشىسىنىڭ ورىنباسارى جانە اقپاراتتىق- تالداۋ ورتالىعىنىڭ باسشىسى.

1994-95 ج ج. - قازاقستان رەسپۋبليكاسى پرەزيدەنتىنىڭ مەملەكەتتىك كەڭەسشىسى.

1995-99 ج ج. -پرەزيدەنت اكىمشىلىگى باسشىسىنىڭ ورىنباسارى جانە پرەزيدەنت اكىمشىلىگى تالداۋ جانە ستراتەگيالىق زەرتتەۋ ورتالىعىنىڭ باسشىسى.

1999-01 ج ج. - پرەزيدەنتتىڭ ۇلتتىق قاۋىپسىزدىك ماسەلەلەرى جونىندەگى كومەكشىسى - قازاقستان رەسپۋبليكاسى قاۋىپسىزدىك كەڭەسىنىڭ حاتشىسى.

2000 ج. - قازاقستان رەسپۋبليكاسىنىڭ سىبايلاس جەمقورلىققا قارسى كۇرەس جونىندەگى مەملەكەتتىك كوميسسياسىنىڭ ءتوراعاسى مىندەتىن اتقاردى.

2001 ج. - قازاقستان رەسپۋبليكاسى ۇلتتىق قاۋىپسىزدىك كوميتەتىن باسقاردى.

2002 ج. - ۇلتتىق قاۋىپسىزدىك ماسەلەلەرى جونىندەگى پرەزيدەنتتىڭ كومەكشىسى - قازاقستان رەسپۋبليكاسى قاۋىپسىزدىك كەڭەسىنىڭ حاتشىسى.

2002 ج. تامىز ايىنان باستاپ - قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ءبىرىنشى ورىنباسارى.

2006 ج. ءساۋىر ايىنان باستاپ - پرەزيدەنتتىڭ كومەكشىسى - قازاقستان رەسپۋبليكاسى قاۋىپسىزدىك كەڭەسىنىڭ حاتشىسى.

2007 ج. قاڭتاردىڭ 11 ىندە مەملەكەت باسشىسىنىڭ جارلىعىمەن قازاقستان رەسپۋبليكاسى سىرتقى ىستەر ءمينيسترى بولىپ تاعايىندالدى.

2009 -جىلعى 4- قىركۇيەكتە مەملەكەت باسشىسىنىڭ جارلىعىمەن پرەزيدەنتتىڭ كومەكشىسى - قازاقستان رەسپۋبليكاسى قاۋىپسىزدىك كەڭەسىنىڭ حاتشىسى بولىپ تاعايىندالدى.

2013 -جىلدىڭ 16 - قاڭتار كۇنى پرەزيدەنت وكىمىمەن قازاقستان رەسپۋبليكاسىنىڭ مەملەكەتتىك حاتشىسى رەتىندە تاعايىندالدى. بۇل قىزمەتتە ول مۇحتار قۇل- مۇحامەدتى اۋىستىرعان بولاتىن.

2014 -جىلدىڭ 11 - اقپان كۇنى ق ر- نىڭ ر ف- عى توتەنشە جانە وكىلەتتى ەلشىسى بولىپ تاعايىندالدى.

«بارىس» جانە «قۇرمەت» وردەندەرىمەن ماراپاتتالعان. ديپلوماتيالىق دارەجەسى - توتەنشە جانە وكىلەتتى ەلشى.

سوڭعى جاڭالىقتار