جاپونيا پاتشالارىن تاقتان تايدىرۋ تۋرالى زاڭ دايىنداپ جاتىر

استانا. قازاقپارات - جاپونيانىڭ قولدانىستاعى زاڭناماسىندا مۇنداي مۇمكىندىك قاراستىرىلماعان. قازىر ەل ۇكىمەتى يمپەراتور اكيحيتونى 2019 -جىلدىڭ 1-قاڭتارىنان باستاپ تاقتان ءتۇسىرۋ تۋرالى زاڭ جوباسىن قاراستىرىپ جاتىر. ورنىنا ۇلكەن ۇلى نارۋحيتو وتىرماق.

​زاڭ 2017 -جىلدىڭ مامىر ايىنىڭ باسىندا قابىلدانۋى مۇمكىن. وعان دەيىن پارلامەنت پالاتالارى مەن ساراپشىلاردىڭ سۇزگىسىنەن وتەدى. بۇدان بۇرىن جاپونيانىڭ پرەمەر- ءمينيسترى سيندزو ابە پاتشانى تاقتان تايدىرۋ ماسەلەسىنىڭ مۇقيات تالقىلاۋدى قاجەت ەتەتىنىن قاداپ ايتقان بولاتىن.

يمپەراتور اكيحيتو -  يمپەراتور حيروحيتو مەن پاتشايىم كودزيۋننىڭ بەسىنشى بالاسى جانە ۇلدىڭ ۇلكەنى. 1933 -جىلدىڭ 23-جەلتوقسانىندا دۇنيەگە كەلگەن. رەسمي تۇردە جاپونيانى 660 -جىلدان بەرى بيلەپ كەلە جاتقان اۋلەتتىڭ 125- يمپەراتورى سانالادى.

 2016 -جىلدىڭ تامىزىندا يمپەراتور اكيحيتو دەنساۋلىعىنا بايلانىستى مىندەتتەرىن اتقارا المايتىنىن مالىمدەگەن ەدى.

 

دەرەككوز: http://www.interfax.ru